Langwang-kurper

Die Langwangkurper (Sargochromis greenwoodi) is 'n varswatervis wat voorkom in die Okavangorivier, boonste gedeelte van die Zambezirivier en die Kafuerivier. In Engels staan die vis bekend as die Deepcheek bream.

Langwangkurper
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Cichlidae
Subfamilie:	Pseudocrenilabrinae
Genus:	Sargochromis (Regan, 1920)
Spesie:	S. greenwoodi
Binomiale naam
Sargochromis greenwoodi (Bell-Cross, 1975)

Voorkoms

Die vis se kleur is olyfgroen met twee swart horisontale bane oor die lyf waarvan een in die middel van die lyf is en die ander baan hoër op is. Die vinne is donker grysgroen en die onderkant van die stertvin het 'n rooi skynsel. Die mannetjie se dorsale vin het 'n rooi rant met donkergrys kolletjies op die membraan. Die analevin het 'n geel rant en rye oogvlekke. Broeiende mannetjies het 'n diep rooi skynsel op die kop en voorste gedeelte van die liggaam. Die vis word tot 30 cm lank.

Habitat

Die vis is skaars en leef in stil of stadigvloeiende water met digte plantegroei. Hulle vreet hoofsaaklik insekte, klein slakke en ander ongewerweldes, en soms ook klein vissies. Die wyfie is 'n mondbroeier en hulle broei in die somer.

Sien ook

• Alfabetiese lys van visse
• Kurper
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakels

• http://fishbase.org/summary/Sargochromis-greenwoodi.html

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1