Steentjie

Die steentjie (Spondyliosoma emarginatum) is 'n vis wat voorkom vanaf Langebaan tot by die Transkei in Suid-Afrika. Wanneer die vissie nog klein is staan dit bekend as die bloukopsteentjie in die Kaap.

Steentjie
S. emarginatum
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Sparidae
Genus:	Spondyliosoma
Spesie:	S. emarginatum
Binomiale naam
Spondyliosoma emarginatum (Valenciennes, 1830)

Voorkoms

Die steenjie is 'n klein vissie wat nooit meer as 0.5 kg swaar word nie. Hulle het 'n langerige lyf met 'n skerp snoet. Die boonste kant van die vis is bruinerig tot staalblou terwyl die onderste kant van die liggaam baie ligter is. Die stert is gevurk. Pasgevange steentjies het sewe vertikale strepe langs die kante. Daar is 'n prominente horisontale lyn op die kante van die vis wat uitstaan.

Habitat en gewoontes

Die seekarper is 'n susterspesie wat van die Namibiese noordkus tot in noord-Atlantiese waters aangetref word.

Die vissies kom in groot skole voor aan die bokant van riwwe. Hulle eet graag rooiaas, klein krappe en die vleis van dooie visse.

Die vissie is gewild onder die hengelaars om as aas gebruik te word vir kabeljou, geelbek en elwe.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Top Angling Fishes of Southern Africa. Hennie Crous. 2010. ISBN 978-1-77007-403-3

Eksterne skakel

• http://www.fishbase.org/summary/Spondyliosoma-emarginatum.html
• http://eol.org/pages/205955/overview Geargiveer 24 Maart 2016 op Wayback Machine