Boemerang-snellervis

Die Boemerang-snellervis (Sufflamen bursa) is 'n vis wat wydverspreid voorkom in die Indiese- en Stille oseane en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Boomerang triggerfish.

Boemerang-snellervis
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Balistidae
Genus:	Sufflamen
Spesie:	S. bursa
Binomiale naam
Sufflamen bursa (Bloch & Schneider, 1801)

Identifikasie

Die vis word tot 25 cm lank. Die vis is donkerbruin met 'n wit pens. Daar is twee geel geboë strepe vanaf die pektoralevin se basis tot by die eerste dorsale vin. Die vis kan die strepe se kleur verander na bruin afhangende van sy gemoed.

Hulle leef in tropiese strandmere en aflandige koraal- en rotsriwwe in water wat 3 tot 90m diep is. Die vis is gewoonlik alleenlopers. Hulle vreet alge, slakke en seekastaiings. Die spesie is redelik volop.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/Sufflamen-bursa.html