Swerwer-vlindervis

Die Swerwer-vlindervis (Chaetodon vagabundus) is 'n vlindervis wat voorkom aan die ooskus van Afrika vanaf Oman tot by die Aliwal-bank. In Engels staan die vis bekend as die Vagabond butterflyfish.

Swerwer-vlindervis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Chaetodontidae
Genus:	Chaetodon
Subgenus:	Rabdophorus
Spesie:	C. (R.) vagabundus
Binomiale naam
Chaetodon (Rabdophorus) vagabundus Linnaeus, 1758
Sinonieme
Chaetodon pictus

Voorkoms

Die vissie word tot 23 cm lank en kom in koraal- en rots riwwe voor, in water wat 5 – 30 m diep is. Die kop en liggaam is wit en die liggaam is bedek met strepe wat in twee rigtings gaan. Daar is ook 'n swart band wat by die dorsale vin begin, oor die oë en om die vis se liggaam gaan tot by die anale vin. Die vis oorleef in akwariums.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bronne

• Coastal Fishes of Southern Africa. Phil & Elaine Heemstra. 2004. ISBN 1-920033-01-7
• Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6

Eksterne skakels

• http://fishbase.org/summary/Chaetodon-vagabundus.html