Vurige rooivlerkie

Die vurige rooivlerkie (Pseudobarbus phlegethon) is 'n varswatervis wat endemies is aan die Olifantsrivier in die Wes-Kaap. In Engels staan die vis bekend as die Fiery redfin.

Vurige rooivlerkie
Bewaringstatus
Bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Pseudobarbus (Smith, 1841)
Spesie:	P. phlegethon
Binomiale naam
Pseudobarbus phlegethon (Barnard, 1938)

Voorkoms

Daar is een paar baarde om die mond. Broeiende mannetjies het swak ontwikkelde tuberkels maar helderrooi vlekke op die vinne. Die vis is silwer-goud met verspreide swart kolle en vlekke op die lyf. Op die vinne se strale is swart strepe. Die spesie is die kleinste rooivlerkie en word slegs 71 mm lank.

Habitat

Die vis lewe in poele en helder water wat oor rotse vloei. Hulle vreet detritus en klein bodeminsekte en broei in die somer.

Bewaringstatus

Die vis word bedreig weens habitatvernietiging, uitheemse visse soos baars dra daartoe by.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• http://fishbase.org/summary/Pseudobarbus-phlegethon.html