An-Naml

An-Naml (Arabies: الْنَّمْل, "Die Rooimiere") is die 27ste soera, of hoofstuk, van die Koran. Dit bevat 93 ajat, of verse, en is vermoedelik in Mekka aan Mohammed geopenbaar.

الْنَّمْل   Soera 27 van die Koran
Klassifikasie	Mekkaans
In Arabies	An-Naml
In Afrikaans	"Die Rooimiere"
Deel	19-20
Ajat	93

Dié soera begin met die allegoriese letters (muqattaʿat) Tô, Sien. Dit vertel verhale van die profete Moses, Salomo, Salieg en Lot om klem te lê op die boodskap van monoteïsme in Arabiese en Israelitiese profete. Die wonderwerke van Moses, wat in die Bybel in Eksodus vertel word, word genoem in teenstelling met die arrogansie en ongelowigheid van die farao.

Die storie van Salomo bevat die meeste besonderhede: Hy het die Koningin van Skeba tot die "ware" geloof bekeer nadat hy gehoor het sy aanbid die son. Die doel van die soera was waarskynlik om die rol van die "Kinders van Israel" onder die gelowiges in Mekka uit te lig, om die gelowigheid van die profete van die verlede te benadruk en aan te beveel, en om die huidige boodskap van die Koran van vroeëre tradisies te onderskei.

Skakels

• Hierdie artikel is in sy geheel of gedeeltelik uit die Engelse Wikipedia vertaal.

Vorige soera: Ash-Shu'ara	Die Koran	Volgende soera: Al-'Kasas
	Soera An-Naml
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114