Amphiprioninae

Die Anemoonvisse is 'n subfamilie Amphiprioninae van visse wat hoort tot die familie Pomacentridae. Die subfamilie bestaan uit dertig spesies waarvan 29 tot die genus Amphiprion en een tot die genus Premnas hoort. Al die spesies vorm simbiotiese verhoudings met seeanemone. In Engels staan hulle ook as Clownfish bekend.

Anemoonvisse
Ocellaris clownfish, Amphiprion ocellaris
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Labroidei
Familie:	Pomacentridae
Subfamilie:	Amphiprioninae
Genera
Amphiprion Bloch & Schneider, 1801 Premnas Cuvier, 1816

Oor die algemeen is die visse geel, oranje of rooi van kleur met strepe of vlekke op. Die grootste word tot 18 cm lank en die kleinste is beswaarlik 10 cm lank.

Habitatte

Anemoonvisse kom slegs in die Stille Oseaan en Indiese Oseaan voor insluitende die Rooisee en Groot Koraalrif. Anemoonvisse kom nie in die Atlantiese Oseaan voor nie.

Suidelike Afrika

Die volgende twee spesies kom aan die kus van Suidelike Afrika voor:

• Neusstreep-anemoonvis (Amphiprion akallopisos)
• Tweestreepanemoonvis (Amphiprion allardi)

Hierdie artikel is in sy geheel of gedeeltelik vanuit die Engelse Wikipedia vertaal.