Annie Leibovitz
Anna-Lou Leibovitz (gebore 2 Oktober 1949) is 'n Amerikaanse portretfotograaf wat bekend is vir haar innemende portrette, veral van bekendes, wat dikwels mense in 'n intieme omgewing en posisies uitbeeld. Leibovitz se Polaroid-foto van John Lennon en Yoko Ono, wat vyf uur voor die moord op Lennon geneem is, word beskou as een van die tydskrif Rolling Stone se beroemdse voorbladfoto's.[1]
| Annie Leibovitz | |
|---|---|
 Leibovitz in 2008. | |
| Geboortenaam | Anna-Lou Leibovitz |
| Gebore | 2 Oktober 1949 Waterbury, Connecticut, VSA |
| Sterf | |
| Nasionaliteit | Amerikaans |
| Veld | Fotografie |
| Opleiding | San Francisco-kunsinstituut |
Die Biblioteek van die VSA-kongres het haar verklaar tot 'n lewende legende, en sy is die eerste vrou wat 'n uitstalling gehad het in Washington se nasionale portretgalery.[2]
Vroeë lewe
wysigLeibovitz is op 2 Oktober 1949 in Waterbury, Connecticut, gebore[3] as die derde oudste van ses kinders van Samuel Leibovitz en Marilyn Edith (gebore Heit).[4] Haar pa was 'n luitenant-kolonel in die Amerikaanse lugmag en was van Roemeens-Joodse afkoms.[4] Haar ma was 'n instruktrise in moderne dans van Esties-Joodse afkoms.
Die familie het dikwels rondgetrek en sy het haar eerste foto's tydens die Viëtnamoorlog in die Filippyne geneem.[5][6]
Leibovitz het aan die San Francisco-kunsinstituut studeer[7] in skilderwerk met die bedoeling om 'n kunsonderwyser te word.[6] Nadat sy haar eerste fotografiewerksessie bygewoon het, het sy haar hoofvak na fotografie verander. Sy is geïnspireer deur die werk van Robert Frank en Henri Cartier-Bresson.[8]
Loopbaan
wysigBaie jare lank was Leibovitz se gunstelingkamera 'n Mamiya RZ67.[9][10] Sy het ook die volgende kameras gebruik:
- Hasselblad 500 C/M
- Minolta SRT-101
- Nikon D810
- Fuji 6x9-mediumformaatkamers (ook bekend as die "Texas Leica")
- Canon 5D Mark II[11]
- Hasselblad H5D
1970-1980
wysigLeibovitz het in 1970 'n loopbaan as fotograaf by Rolling Stone begin. In 1973 is sy as hooffotograaf aangestel, 'n posisie wat sy die volgende 10 jaar sou beklee. Sy het tot in 1983 by die tydskrif gewerk en gehelp om die Rolling Stone-voorkoms te definieer met haar intieme foto's van bekendes.[12]
Op 8 Desember 1980 het Leibovitz 'n fotosessie met John Lennon gehad vir Rolling Stone en hom belowe hy sou op die voorblad verskyn. Nadat hy gevra het Yoko moet ook op die foto wees en sy verskeie posisies probeer het, het sy Lennon gevra om sy klere uit te trek en langs Yoko op te krul. Dit was die laaste professionele foto van Lennon. Hy is vyf uur later doodgeskiet. 'n Maand later het haar foto op die voorblad van Rolling Stone verskyn.
1980-2000
wysigLeibovitz se nuwe styl van beligting en gebruik van helder kleure het haar in 1983 'n posisie by die tydskrif Vanity Fair besorg.[13][14]
In 1991 het sy 'n uitstalling gehou in die nasionale portretgalery in Washington. Sy was die eerste vrou en die tweede lewende portretfotograaf wat dit reggekry het.[15][16] In dieselfde jaar is sy deur die Franse regering 'n kommandeur van die Ordre des Arts et des Lettres gemaak.[15] Ook in 1991 het Leibovitz die beroemde fotograaf Margaret Bourke-White nagedoen deur op een van die arenddakspuiers op die 61ste verdieping van die Chrysler-gebou in Manhattan te klim waar sy die danser David Parsons op 'n ander arenddakspuier afgeneem het. Die bekende fotograaf en fotoredakteur van Life John Loengard het Leibovitz se gevaarlike manewales op dié dag vir The New York Times afgeneem.[17]
In 1998 het Leibovitz gereeld vir die tydskrif Vogue begin werk.[14]
2000-tans
wysigIn 2007 is 'n groot uitstalling van Leibovitz se werk in die Brooklynmuseum gehou.[18] Dit was gebaseer op haar boek Annie Leibovitz: A Photographer's Life, 1990-2005 en het baie van haar professionele foto's van bekendes en persoonlike foto's van haar familie, kinders en lewensmaat Susan Sontag ingesluit. Dat is daarna op sewe ander plekke vertoon, onder meer Washington, D.C., San Francisco en Berlyn, Duitsland.[19][20]
Merkwaardige foto's
wysigOnder Leibovitz se talle merkwaardige foto's tel die volgende:
- In 1978 het Leibovitz die foto vir Joan Armatrading se vyfde ateljeealbum To the Limit afgeneem en daarvoor vier dae in Armatrading se huis deurgebring.[21]
- John Lennon en Yoko Ono se foto vir die voorblad van Rolling Stone in 1981, vyf uur voor die moord op Lennon.[22][23]
- Gevangenes in die Soledad-staatstronk in Kalifornië, wat elk 'n besoekende familielid 'n drukkie gee, Kersdag 1971.
- Linda Ronstadt in 'n rooi onderrok op haar bed terwyl sy uitreik na 'n glas water, 1976-voorbladfoto vir Rolling Stone.[24]
- 'n Naakte, swanger Demi Moore, Augustus 1991, en 'n naakte Demi met 'n geverfde pak klere, Augustus 1992.[25]
- Fleetwood Mac vir 'n 1977-uitgawe van Rolling Stone. Stevie Nicks en Mick Fleetwood is afgeneem terwyl hulle by mekaar lê, met Christine McVie en Lindsey Buckingham in dieselfde posisie op die ander kant van die bed. John McVie lees 'n Playboy.[26]
- Whoopi Goldberg in 'n bad met melk.
- David Cassidy vir Rolling Stone wat hom nakend wys van sy kop tot sy middel.
- Dolly Parton wat vir die kamera flankeer terwyl Arnold Schwarzenegger agter haar sy biseps bult, 25 Augustus 1977 vir Rolling Stone.[27]
- Dan Aykroyd en John Belushi as The Blues Brothers, met hulle gesigte blou geverf.[28]
- Keira Knightley en Scarlett Johansson, albei nakend, met 'n ten volle geklede Tom Ford, vir die voorblad van Vanity Fair, Maart 2006.[29]
- Knut saam met Leonardo DiCaprio, 2007-voorbladfoto vir Vanity Fair.[30]
- Koningin Elizabeth II tydens haar staatsbesoek aan die VSA in 2007, en in 2016 by Windsor-kasteel ter viering van haar 90ste verjaardag.[31][32]
- Jackie en Joan Collins in 'n limousine, Los Angeles 1987.
- Sting, nakend in die woestyn, met modder bedek om met die omgewing saam te smelt.[33]
- Bruce Springsteen se foto's vir sy albums Born in the U.S.A. en Tunnel of Love.[34][35]
- 'n 15-jarige Miley Cyrus se halfnaakte foto, wat gelei het tot omstredenheid, Vanity Fair.
- Michael Jackson, twee keer vir die voorblad van Vanity Fair, asook ander foto's van hom.
- Bill Gates vir die voorblad van sy boek The Road Ahead.
- Barack Obama se gesin in die Withuis.[36]
- 'n Ten volle geklede Johnny Depp wat tussen 'n naakte Kate Moss se bene lê, in 1994.
- Lady Gaga vir Vogue en Vanity Fair.
- Rihanna vir Vogue in 2011 en 2012.
- Mark Zuckerberg en sy swanger vrou, Priscilla Chan, in 2015.[37]
- Adele for Vogue in 2016.
- 'n Swanger Serena Williams vir die voorblad van Vanity Fair, Augustus 2017.[38]
Verwysings
wysig- ↑ Ruddick, Graham (18 September 2017). "Rolling Stone, rock'n'roll magazine turned liberal cheerleader, up for sale". The Guardian (in Engels). Besoek op 23 Mei 2020.
- ↑ Somerstein, Rachel (27 Oktober 2008). "Annie Leibovitz: Life Through a Lens". PBS.org. Besoek op 18 Mei 2017.
- ↑ "Annie Leibovitz Biography: Photographer (1949–)". The Biography Channel (A&E Networks). Besoek op 17 Junie 2014.
- ↑ 4,0 4,1 Lambert, Angela (3 Maart 1994). "Talking pictures with Annie Leibovitz". The Independent. Londen. Besoek op 8 Julie 2010.
- ↑ Cooke, Rachel (3 Februarie 2008). "How I shot my sister Annie ..." The Observer. Londen. Geargiveer vanaf die oorspronklike op 10 Junie 2008. Besoek op 10 Junie 2008.
- ↑ 6,0 6,1 "Annie Leibovitz Biography, Art, and Analysis of Works". The Art Story (in Engels (VSA)). Besoek op 26 Maart 2018.
- ↑ "Annie Leibovitz Career Timeline". American Masters. WNET. 3 Januarie 2007. Besoek op 2 Februarie 2014.
- ↑ Obrist, Hans-Ulrich. "Life through Annie's lens". Besoek op 29 Maart 2018.
- ↑ "Annie Leibovitz At Work Book Review". OnPortraits.com (in Engels (VSA)). Geargiveer vanaf die oorspronklike op 18 Augustus 2020. Besoek op 23 Mei 2020.
- ↑ American Photo (in Engels). Mei–Junie 1993. pp. 86–87.
- ↑ Powell, Laura (6 Mei 2019). "7 Famous Photographers and Their Cameras of Choice". Focus Camera (in Engels (VSA)). Besoek op 23 Mei 2020.
- ↑ Annie Leibovitz Biography. bookrags. Besoek op 19 Julie 2007.
- ↑ T., Edward (2014). "How to Shoot like Annie Leibovitz: Part 1". iLHP. Geargiveer vanaf die oorspronklike op 19 Oktober 2018. Besoek op 28 Maart 2014.
- ↑ 14,0 14,1 Magazine, Vanity Fair. "Annie Leibovitz". Vanity Fair (in Engels). Besoek op 23 Mei 2020.
- ↑ 15,0 15,1 Yoko Ono. Annie Leibovitz - Life Through a Lens [DVD]. ICA. "a heavy weight fate was waiting for us only...four or five hours later"
- ↑ "Annie Leibovitz | artnet". www.artnet.com. Besoek op 23 Mei 2020.
- ↑ "Gaga Over a Gargoyle". Smithsonian (in Engels). Besoek op 29 Maart 2018.
- ↑ "Annie Leibovitz: Oct. 2006 – Jan. 2007". Brooklyn Museum. 2007.
- ↑ "From 21 February to 24 May 2009 at the". C/O Gallerie. Geargiveer vanaf die oorspronklike op 9 Maart 2009.
- ↑ "January 21 2009 - Bing". www.bing.com.
- ↑ Mayes, Sean (1990). Joan Armatrading – A Biography (unauthorised). Weidenfeld and Nicolson. p. 86. ISBN 0-297-81058-8.
- ↑ "1980 Rolling Stone Interview With John Lennon by Jonathan Cott". John-Lennon.com. Besoek op 26 Januarie 2011.
- ↑ "Annie Leibovitz and an Iconic Cover". JourneyAmerica. Geargiveer vanaf die oorspronklike op 9 November 2015. Besoek op 11 November 2015.
- ↑ "Ronstadt-linda.com".
- ↑ "at 25: The Covers | Culture". Vanity Fair. 26 September 2008. Geargiveer vanaf die oorspronklike op 3 Maart 2011. Besoek op 26 Januarie 2011.
- ↑ Rolling Stone (28 Januarie 2013). "Fleetwood Mac on the Cover of Rolling Stone". Rolling Stone (in Engels (VSA)). Besoek op 28 Desember 2019.
- ↑ "3.bp".
- ↑ "1.bp".
- ↑ "Johansson, Knightley Bare All for Mag Cover". Fox News. 22 Februarie 2006. Geargiveer vanaf die oorspronklike op 11 Februarie 2009. Besoek op 29 Maart 2009.
- ↑ "Fans mourn death of polar bear Knut".
- ↑ "British Embassy in the United States". Britainusa.com. Geargiveer vanaf die oorspronklike op 28 September 2007. Besoek op 26 Januarie 2011.
- ↑ Rayner, Gordon (21 April 2016). "The Queen's birthday: Her Majesty shares the spotlight with great-grandchildren in official portrait to mark her 90th birthday". The Telegraph. Geargiveer vanaf die oorspronklike op 12 Januarie 2022. Besoek op 21 April 2016.
- ↑ PBS Geargiveer 28 September 2011 op Wayback Machine
- ↑ "Bruce Springsteen - Tunnel Of Love". Discogs.
- ↑ "Bruce Springsteen.net". Bruce Springsteen.net. 4 Junie 1984. Geargiveer vanaf die oorspronklike op 12 Desember 2010. Besoek op 26 Januarie 2011.
- ↑ "First Look: New Obama Family Portrait". whitehouse.gov. 15 Desember 2011. Besoek op 11 November 2015 – via National Archives.
- ↑ Muto, Jordan. "Mark Zuckerberg, Priscilla Chan captured in pregnancy photo by Annie Leibovitz". today.com. Besoek op 5 November 2015.
- ↑ "Pregnant Serena Williams poses naked on the cover of Vanity Fair". BBC News. 27 Junie 2017. Besoek op 28 Junie 2017.
Skakels
wysig
Wikimedia Commons het meer media in die kategorie Annie Leibovitz.
Hierdie artikel is in sy geheel of gedeeltelik uit die Engelse Wikipedia vertaal.
