Weerhaan-varkvis

Die weerhaan-varkvis (Bodianus axillaris) is 'n vis wat voorkom in die Indies-Pasifiese area, die Rooisee en aan die ooskus van Afrika vanaf Oman tot by die Aliwal-bank in KwaZulu-Natal. In Engels staan die vis bekend as die Turncoat hogfish.

Weerhaan-varkvis
Bodianus axillaris
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Labridae Cuvier, 1816
Genus:	Bodianus
Spesie:	B. axillaris
Binomiale naam
Bodianus axillaris (Bennett, 1832)

Voorkoms en geslag

Die vis word 20 cm groot, het 'n sylyn en die hele lyf is met skubbe bedek. Die vis is 'n afwisselende hermafrodiet en is eers 'n wyfie wat kan verander na 'n mannetjie indien dit so verlang word. Die onvolwasse vis is bruin en kry later nege wit vlekke by. Indien die wyfie na 'n mannetjie moet verander word die kleur van die vis rooi-bruin en wit in die agterlyf vanaf die stam van die dorsale vin tot onder sy buik.

Habitat

Die vis leef in koraal- en rotsriwwe in water wat 10 – 50 m diep is. Die volwasse visse is alleenswemmers. Die onvolwasse visse vreet dikwels parasiete van ander visse af. Die vis vreet hoofsaaklik klein skaaldiere, gastropodes, tweekleppiges en wurms en kan oorleef in 'n akwarium.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• Fishbase: Bodianus axillaris