Blouspikkel-chromis

Die Blouspikkel-chromis (Chromis dasygenys) is 'n vis wat endemies is aan Suider-Afrika en kom voor van Inhaca tot by Park Rynie. In Engels staan die vis bekend as die Bluespotted chromis.

Blouspikkel-chromis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Pomacentridae
Genus:	Chromis (Cuvier, 1814)
Spesie:	C. dasygenys
Binomiale naam
Chromis dasygenys (Fowler, 1935)
Sinonieme
Pomacentrus sindensis (non Day, 1873)

Voorkoms

Die vis se kleur kan baie verskil, die mees algemene kleur is dat die kop en lyf blougrys en geel aan die bokant is en dat elke skub aan die sye en agterkant 'n blou kol op het. Daar is soms 'n donkerblou kol agter die kop bokant die pektorale vin se basis en 'n wit kol is ook te sien aan die bokant van die stertvin se basis.

Habitat

Die vis kom voor in vlak riwwe, grasbeddings en by rotsstrande in water wat 25 m diep is. Hulle word ook dikwels by die monding van die Durbanse hawe gesien.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• Chromis dasygenys by Fishbase.