Dubbelbalk-chromis
Die dubbelbalk-chromis (Chromis opercularis) is 'n vis wat wydverspreid in die Indiese Oseaan voorkom asook aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Doublebar chromis.
| Dubbelbalk-chromis | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | C. opercularis
|
| Binomiale naam | |
| Chromis opercularis (Günther, 1867)
| |
Identifikasie
wysigDie vis word tot 16 cm lank en is een van die grootste lede van die Chromis genus. Hulle kleurskema verskil volgens geografiese area wat identifikasie bemoeilik. In Suidelike Afrika is die volwasse vis grysblou aan die bokant en geelgrys aan die onderkant terwyl die skubbe swart rante het. Die stertvin is ook ligter van kleur. Dit het egter 'n kenmerkende dubbele swart balk oor die kop.
Die onvolwasse visse is grysblou met 'n heldergeel stert terwyl die agterkante van die dorsale- en analevinne swart is.
Habitat
wysigHulle leef in kus- en aflandige riwwe in water wat 4 tot 40 m diep is. Die volwasse visse is alleenlopers en die onvolwasse visse kom in klein groepies voor. Hulle verkies leefareas waar daar sterker strominge is en vreet soöplankton.
Sien ook
wysigBron
wysig- The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3