Witkol-klipkabeljou

Die witkol-klipkabeljou (Epinephelus coeruleopunctatus) is 'n vis wat voorkom in die Indies-Pasifiese area, Oos-Afrika suidwaarts tot by die Oos-Kaap. In Engels staan die vis bekend as die Whitespotted rockcod.

Witkol-klipkabeljou
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Serranidae
Subfamilie:	Epinephelinae
Genus:	Epinephelus
Spesie:	E. coeruleopunctatus
Binomiale naam
Epinephelus coeruleopunctatus (Bloch, 1790)

Identifikasie

Hierdie vis kom algemeen voor en word tot 60 cm lank. Die vis is donkerblou tot grysbruin van kleur met groot wit vlekke wat gemeng met kleiner kolletjies oor die hele lyf voorkom. Die kop is gepunt terwyl die agterste gedeelte van die stertvin swart is met geen kolle op nie.

Die vis leef aflandig op koraal- en rotsriwwe in water wat 4 tot 65 m diep is. Die vis is 'n alleenloper en bly gewoonlik in die dag naby onderwatergrotte of -skeure. Hulle vreet vissies en skaaldiere.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/SpeciesSummary.php?ID=6440&genusname=Epinephelus&speciesname=coeruleopunctatus&AT=Epinephelus+coeruleopunctatus&lang=English