Gelapte snellervis

Die Gelapte snellervis (Rhinecanthus rectangulus) is 'n vis wat voorkom in die Stille Oseaan, die Indiese Oseaan, die Rooisee en aan die ooskus van Afrika suidwaarts tot by die Oos-Kaap. In Engels staan die vis bekend as die Patchy triggerfish.

Gelapte snellervis
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Balistidae
Genus:	Rhinecanthus
Spesie:	R. rectangulus
Binomiale naam
Rhinecanthus rectangulus (Bloch & Schneider, 1801)

Identifikasie

Die vis word tot 25 cm lank. 'n Kenmerk is die breë, swart band wat diagonaal strek oor die lyf vanaf die oog tot by die analevin. Die vis leef in rotsagtige kusareas en vlak riwwe waar die water onstuimig is. Hulle kom selde voor in water wat dieper as 10 m is. Die onvolwasse vissies word soms in getypoele gesien. Die vis is 'n alleenloper en gebiedsgebonde, dit bly altyd naby sy skuiling. Dit vreet alge, detritus en klein ongewerweldes.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• Rhinecanthus rectangulus by Fishbase.