Gereformeerde kerk Port Elizabeth

Die Gereformeerde kerk Port Elizabeth is ’n gemeente van die Gereformeerde Kerk in die Oos-Kaapse hawestad Port Elizabeth (nou Gqeberha).

Gereformeerde Kerk Port Elizabeth
Sluit in	Port Elizabeth
Klassis	Karoo-Kei
Huidige predikant(e)	Karel Steyn
Belydende lidmate	354
Dooplidmate	71
Adres	H.v. Southey- en Brunswickstraat Adcockvale Port Elizabeth
Geskiedenis
Stigtingsdatum	21 Desember 1929
Afgestig van	Middelburg, Kaap
Eerste predikant	J.F. du Plooy 1933–1936

Die Gereformeerde kerk Port Elizabeth.

Ds. en mev. W. Venter, die leraarspaar van 1950 tot 1952.

Dr. Sarel Jacobus du Plessis, leraar van 1946 tot 1947.

Ds. Willem Venter, leraar van 1950 tot 1952.

Ds. Dirk Postma, leraar van 1988 tot 1996, sy vyfde gemeente.

Geskiedenis

Port Elizabeth was eers ’n wyk van die Gereformeerde kerk Middelburg, Kaap, maar het op 21 Desember 1929 van dié gemeente afgestig. Van 1937 af het die gemeente ’n Duitse kerkie in die middedorp gehuur, wat 18 jaar gebruik is vir byeenkomste en eredienste. In 1958 het die gemeente die huidige kerkgebou in Adcockvale in gebruik geneem. Die argitek was Pieter van Rooyen, ’n lidmaat van die gemeente.

Eers in 1973 kon die gemeente ’n orrel in gebruik neem. In 1978 het die ingebruikneming van ’n gemeentesentrum langs die kerkgebou aan die beurt gekom. In 1991 het die kerkraad as bouaannemer opgetree tydens die vergroting van die kerkgebou met twee vleuels.

Lidmaattal

Die jaartal by die onderstaande syfers dui op die jaar waarin dit in die Gereformeerde Kerk se Almanak verskyn het; nie op die jaar waarin die lidmate getel is nie.

Jaartal	Dooplidmate	Belydende Lidm.	Sieletal
1959	96	141	237
1998	118	417	535
2002	89	370	459
2012	98	400	498
2014	85	401	486
2017	77	396	473

Predikante

1. Du Plooy, Jan Frederick, 1933 – 1936 (leraar van Oos-Londen)
2. Kruger, Herculaas Frederik Venter, 1937 – 1942 (leraar van Oos-Londen)
3. Du Plessis, dr. Sarel Jacobus, 1946 – 1947
4. Snyman, Nicolaas Tjaart, 1948 – 1949
5. Venter, Willem, 1950 – 1952
6. Venter, dr. Mechiêl, 1954 – 1958
7. De Bruyn, Frans Roelof Petrus, 1958 – 1964
8. De Wet, Petrus Johannes, 1964 – 1971
9. Venter, Petrus Albertus, 1971 – 1981
10. Kruger, Jan Adriaan, 1981 – 1988
11. Postma, Dirk, 1988 – 1996
12. Lion-Cachet, dr. Jan, 1996 – 2002
13. Van Rooy, Henri Charles, 2002 – 2007
14. Potgieter, Theunis Johannes, 2008 – 2022
15. Steyn, Karel, 3 September 2022 – hede

Bronne

• (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
• (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
• (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
• (af) Venter, ds. A.A. (hoofred.) 1957. Almanak van die Gereformeerde Kerk in Suid-Afrika vir die jaar 1958. Potchefstroom: Administratiewe Buro.
• (af) Venter, ds. A.A. (hoofred.) 1958. Almanak van die Gereformeerde Kerk in Suid-Afrika vir die jaar 1959. Potchefstroom: Administratiewe Buro.
• (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.

Sien ook

• Gereformeerde kerk Uitenhage
• NG gemeente Port Elizabeth