Indiese snellervis

Die Indiese snellervis (Melichthys indicus) is 'n vis wat wydverspreid in die Indiese Oseaan voorkom, die Rooisee, Oman en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Indian triggerfish.

Indiese snellervis
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Balistidae
Genus:	Melichthys
Spesie:	M. indicus
Binomiale naam
Melichthys indicus J. E. Randall & Klausewitz, 1973

Identifikasie

Die vis word tot 30 cm lank en is swart met 'n wit lyn op die basis van die tweede dorsale- en stertvinne. Die rand van die sertvin is ook wit. Daar is onreëlmatige wit lyne op die agterkant van die lyf wat gevorm word deur wit kolletjies. Daar is soms 'n ligter gelerige area tussen die twee dorsale vinne.

Die vis leef in aflandige koraal- en rotsriwwe in water wat 10 tot 30m diep is. Hulle is alleenlopers maar vorm soms groepe wanneer hulle saam aan soöplankton vreet bokant die rif. Hulle vreet ook alge, sponse en ongewerweldes.

Dit kan maklik verwar word met die Swartsnellervis.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakels

• http://www.fishbase.org/summary/Melichthys-indicus.html