Kaapse dakvlermuis

Die Kaapse dakvlermuis (Neoromicia capensis) kom voor in Angola, Benin, Burundi, Botswana, Kameroen, Sentraal-Afrikaanse Republiek, Republiek van die Kongo, Demokratiese Republiek van die Kongo, Ivoorkus, Ekwatoriaal-Guinee, Eritrea, Ethiopië, Gaboen, Ghana, Guinee, Guinee-Bissau, Kenia, Lesotho, Liberië, Malawi, Mosambiek, Namibië, Nigerië, Sierra Leone, Somalië, Suid-Afrika, Soedan, Swaziland, Tanzanië, Togo, Uganda, Zambië, Zimbabwe, en moontlik Djiboeti.

Kaapse dakvlermuis
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Chiroptera
Familie:	Vespertilionidae
Genus:	Neoromicia
Spesie:	N. capensis
Binomiale naam
Neoromicia capensis (A. Smith, 1829)
Sinonieme
Eptesicus capensis (A. Smith, 1829)

Voorkoms

Die soogdier se kleur wissel van donker grysbruin tot lig grysbruin. Die onderkant is wit tot gelerig wit en die vlerke is donkerbruin. Die diertjie word tot 8.5cm lank en weeg ±6g.

Habitat en gewoontes

Hulle habitat wissel van halfwoestyn tot hoë-reënvalgebiede. Twee tot drie diere rus bedags styf teen mekaar by die basis van aalwynblare of onder boombas. Hulle vlieg stadig met draaie en swaaie agter vlieënde insekte aan. Hulle eet klein, sagtelyfinsekte soos muskiete. Daar word 1 – 2 kleintjies in die somer gebore.

Sien ook

• Lys van Suider-Afrikaanse soogdiere
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

Bron

• Die Soogdiergids van Suider-Afrika. Burger Cillié. 2009. ISBN 978-1-875093-46-5