Leervis
Die Leervis (Lichia amia), is 'n roofvis met 'n taai, leeragtige vel. Dit kom voor in die Middellandse See, die oostelike Atlantiese Oseaan en reg rondom die Suid-Afrikaanse kus tot by Maputo. In Engels staan die vis bekend as die Garrick.
| Leervis | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | Lichia
|
| Spesie: | L. amia
|
| Binomiale naam | |
| Lichia amia (Linnaeus, 1758)
| |
Voorkoms
wysigDie vis se kop en lyf is blougrys tot groenerig aan die bokant en silwerig aan die onderkant. Die vinne is donker. Die onvolwasse visse is geel bolangs met 6 tot 7 vertikale strepe wat oor die lyf loop. Dit het 'n opvallende geboë sylyn op die sye. Dit word 1.5 m lank en kan tot 32 kg weeg.
Habitat
wysigHulle kom naby die kus in helder water voor en eet ander vis, veral elf, varkies en strepies. Leervisse jag as 'n groep saam. Die groter onvolwasse vis eet hoofsaaklik sardyne, ansjovis en harders. Dit is 'n gesogte sportvis.
Die wyfie skiet kuit aan die kus van KwaZulu-Natal gedurende September tot November. Die vis migreer saam die jaarlikse sardiensstormloop noordwaarts vanaf die Oos-Kaap tot by KwaZulu-Natal.
Sien ook
wysigBronne
wysig- Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6.
- Gids tot die kusgebiede van Suid-Afrika. Jacana Media. 2007. ISBN 978-1-77009-215-0.
- Coastal Fishes of Southern Africa. Phil & Elaine Heemstra. 2004. ISBN 1-920033-01-7.
