Kapenta

Die Kapenta (Limnothrissa miodon) is 'n varswater vis natuurlik voorkom in die Tanganjika-meer en is losgelaat in die Zambezirivier stelsel. In Engels staan die vis bekend as die Kapenta of Lake Tanganyika sardine.

Kapenta
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Clupeomorpha
Orde:	Clupeiformes
Familie:	Clupeidae
Subfamilie:	Pellonulinae
Genus:	Limnothrissa Regan, 1917
Spesie:	L. miodon
Binomiale naam
Limnothrissa miodon (Boulenger, 1906)

Voorkoms

Die vis is klein en word slegs 14 cm lank en het klein, dun skubbe. Die lyf is torpedovormig met kort vinne. Die pektorale vinne is laag op die lyf en die stertvin diep gevurk. Die onderste kaak steek verby die bokaak. Die vis het 'n deurskynende kleur met 'n silwer band vanaf die kieue tot by die stert.

Habitat

Die vis leef tot op dieptes van 35 m in groot skole saam in die dag en sprei uitmekaar in die nag. Hulle vreet hoofsaaklik soöplankton en klein insekte. Hulle broei van September tot in Maart. Die vis is ook 'n gewilde prooi vir die Tiervis. Dit is 'n belangrike bron van voedsel in die Karibadam omgewing waar tot 25 000 ton per jaar gevang word.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://fishbase.org/summary/Limnothrissa-miodon.html

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1