Lydia Winchester
Lydia Doreen Winchester (gebore op 23 Februarie 1956 in Krugersdorp) is die oudste van ses kinders en ʼn musiekpromotor vir Suid-Afrikaanse kunstenaars. Tydens haar grootwordjare het die gesin in Carletonville gewoon en sy het haar laerskoolloopbaan begin by Laerskool Môreweg in Brakpan, Transvaal.
Lydia Winchester | |
|---|---|
| Gebore | 23 Februarie 1956 Krugersdorp |
| Oorsprong | Suid-Afrika |
| Beroep(e) | Musiekpromotor |
| Jare aktief | 1987 tot nou |
Winchester het na skool by die poskantoor gewerk en het later administratiewe werk en kliëntediens behartig vir die motormaatskappy, General Motors, daarna het sy as skakelbeampte by Delta Motors gewerk tot 1986.
Lydia Winchester het bygedra tot die loopbane van Suid-Afrika se kunstenaars, onder andere van Gé Korsten, Leon Schuster, Anneli van Rooyen, Rina Hugo, Johan Stemmet, Johan van Rensburg, Carike Keuzenkamp, Danie Botha, Phillip Moolman, André Schwartz, Lance James, Ollie Viljoen, Bill Flynn, Dozi en die Klipwerf-Orkes.
Sy was van 1987 tot 2000 die skakelbeampte van die Decibel-platemaatskappy, onder leiding van die platevervaardiger en musikant Boet Pretorius.
Sy werk sedert 2001 as ʼn vryskut-praktisyn en behartig onverpoosd die reklame van gevestigde kunstenaars en talentvolle nuwelinge.
Haar kliënte sluit Vonk-Musiek in, ook die kunstenaars Gerhard Steyn, Rudi Muller, Helenè Bester, Jan Blohm, Stef Kruger, Richard van der Westhuizen, Lemé, Juan Boucher, Ricky Faber, Beeskraal Revival, Hennie Jacobs, Ernie Bates, Sonja Herholdt, Rooies, Gert Koevert, Jan Rhaap, Stephan Visagie, Hercules & Jasmyn, Touch of Class, Jason Bradley, Rinél Day en Anaïs.
Ander plaaslike kunstenaars wie se reklame sy behartig het, sluit in: Min Shaw, Patricia Lewis, Gene Rockwell, Hennie Smit, PJ Powers, Claire Johnston (Mango Groove), Niekie van den Berg, Sunette Bridges, Blackie Swart, Sean Else, Riaan van Rensburg, Thinus Esterhuysen, Jakkie Louw, Elizabeth & Francois Fourie, Catherine Jones, Jacques du Preez en Andries Botha.
Winchester het ook internasionale kunstenaars soos BZN, Dana Winner en Eddy Grant se bemarking van albums en konserte in Suid-Afrika behartig.
Lydia het ook agter die skerms tydens Afriganza 2014 en die Afrikaanse Musiekfees by Carnival City (oor verskeie jare, saam met Lefra-Produksies) en die KKNK se Afskopfees gewerk.
Toekennings
wysig- Rapportryers – Publisiteitsbeampte van die jaar.
- EMI – Publisiteitsbeampte van die jaar.
- Afrikanerbond – Verering vir bydrae tot die bevordering van Afrikaanse musiek.
- ATKV-oorkonde (2017)
- GHOEMA - Ere-toekenning vir Lewensbydrae (2018)
- In 2019 word Lydia deur kykNET vereer met 'n dokumentêre rolprent van haar loopbaan as deel van die televisiereeks Legendes van Afrikaanse Musiek.
Bronnelys
wysig- https://www.netwerk24.com/Vermaak/Tv/kyk-dis-wow-se-lydia-winchester-20191025
- https://www.news24.com/xArchive/Archive/Who-are-they-20020204-2 Geargiveer 27 Februarie 2020 op Wayback Machine
- https://maroelamedia.co.za/vermaak/musiek/lydia-winchester-more-lyk-dit-anders/
- https://www.afrikanergeskiedenis.co.za/?p=20480 Geargiveer 21 Mei 2020 op Wayback Machine