N4 (Suid-Afrika)

(Aangestuur vanaf N4)

Die N4 is een van die nasionale paaie in Suid-Afrika. Die pad verbind Lobatse, Botswana met Ressano Garcia, Mosambiek. Die N4 gaan deur drie provinsies, Noordwes, Gauteng en Mpumalanga. [1]

Nasionale roete N4 shield

Nasionale roete N4
Roete-inligting
Onderhou deur Bakwena en TRAC
Lengte718 km (446 mi)
Belangrike aansluitings
WespuntA2 by die Botswanagrens naby Lobatse
  N1 in Pretoria
N12 in eMalahleni
N11 naby Middelburg
OospuntEN4 by die Mosambiekgrens naby Ressano Garcia
Ligging
StedePretoria
Nelspruit
DorpeZeerust
Rustenburg
Brits
eMalahleni
Middelburg
Snelwegstelsel
Genommerde roetes in Suid-Afrika
N3N5
'n Padbord naby Witbank waarsku teen motorkapers.
Die N4 by Sun City.
Doornpoort-tolhek op die N4

Noordwes wysig

Die N4 begin by die Skilpadshek grenspos op die grens tussen Suid-Afrika en Botswana. Aan die Botswanakant gaan die pad na Lobatse waar dit aansluit by die A1 en A2 nasionale paaie van Botswana. Vanaf die grens hou die pad suidoos vir 53 km tot by Zeerust. Die pad kruis die Klein-Maricorivier en na 36 km is die reisiger in Groot Marico. Nou word die Groot-Maricorivier gekruis en 31 km verder is Swartruggens. Rustenburg is 60 km verder. Die N4 is nou ’n snelweg wat om Rustenburg gaan. Net voor Rustenburg is die afdraai na Sun City. Vanaf Rustenburg hou die N4 noord van die Magaliesberg in ’n oostelike rigting. Na ongeveer 60 km word die Krokodilrivier gekruis. Die afrit na Brits en die Hartbeespoortdam is ook hier geleë. Sowat 30 km verder word by die afdraai na Ga-Rankuwa verby gery en Gauteng binnegegaan.

Gauteng wysig

Die N4 is nou ’n snelweg en gaan suid verby die Bon Accorddam tot waar dit suidwaarts met die N1 nasionale pad saamsmelt. Na ongeveer 10 km skei die N4 vanaf die N1 en gaan ooswaarts. Die snelweg hou verby Bronkhorstspruit en gaan dan Mpumalanga binne.

Mpumalanga wysig

Die N4 hou oos, steeds ’n snelweg en gaan deur Witbank (eMalahleni). Net na Witbank sluit die N12 nasionale pad by die N4 aan. Na ongeveer 30 km word die N11 nasionale pad gekruis. Dit is ook die afdraai na Middelburg. Na ’n verdere 66 km gaan die N4 verby die Belfast afrit en die pad is bykans 2 000 m bo seevlak. Net hierna begin die N4 daal en kronkel tot by Machadodorp. Buite Machadodorp draai die Schoemanskloofpad af terwyl die N4 parallel met die Elandsrivier hou. Die pad gaan deur Waterval-Boven en verby die bekende N.Z.A.S.M.-tonnel. Dertig 30 km voor Nelspruit sluit die Schoemanskloofpad weer by die N4 aan. Die N4 gaan dan deur die Montrosepas en dan na Nelspruit. Die N4 is ’n verbypad by Nelspruit. Ongeveer 140 km verder gaan die N4 eers deur Malalane en dan verby Komatipoort tot by die Lebombo grenspos. Aan die Mosambiekkant is die N4 bekend as die EN4 hoofweg.[2][3]

Tolplaza’s wysig

Daar is vier tolhekke op die oostelike N4-roete. Die toltariewe word elke jaar hersien. Vanaf 1 Maart 2020 in die rigting Pretoria na Komatipoort is die tolfooi vir Klas 1-voertuie (ligte motors) en Klas 4-voertuie (vragwaens met 5 of meer asse)

  • Diamond Hill Plaza – R39,00 / R168,00
  • Middelburg Plaza – R64,00 / R277,00
  • Machadodorp Plaza – R96,00 / R554,00
  • Nkomazi Plaza – R73,00 / R308,00

Totale tolkoste vir ’n motor is dus R272,00 en vir ’n swaar vragmotor R1307,00 (vir een rigting).[4]

Sien ook wysig

Verwysings wysig

  1. (en) Falkner, John (Mei 2012). Suid-Afrikaanse genommerde roetebeskrywing en bestemmingsontleding (Report). Nasionale Departement van Vervoer. Archived from the original on 6 Junie 2014. https://web.archive.org/web/20140606100245/http://www.transport.gov.za/LinkClick.aspx?fileticket=5qOHvOI4KuY%3d. Besoek op 1 September 2014. 
  2. Op Pad in Suid-Afrika. B.P.J. Erasmus. 1995 ISBN 1-86842-026-4
  3. Padlangs deur Suid-Afrika. 2010. ISBN 978-1-77007-751-5
  4. SANRAL Toll Tariffs 2020 (PDF) (1 Maart 2020).

Eksterne skakels wysig