Oranje stekel-eenhoringvis

Die oranje stekel-eenhoringvis (Naso elegans) is 'n vis wat wydverspreid voorkom in die Indiese Oseaan, die Rooisee, Oman en aan die ooskus van Afrika suidwaarts tot by die suide van KwaZulu-Natal. Die vis is ook al opgemerk by die Aliwal-bank. In Engels staan die vis bekend as die Orange-spine unicorn.

Oranje stekel-eenhoringvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Acanthuroidei
Familie:	Acanthuridae
Subfamilie:	Nasinae
Genus:	Naso
Spesie:	N. elegans
Binomiale naam
Naso elegans (Rüppell, 1829)

Identifikasie

Die vis word tot 45 cm lank. Anders as die meeste eenhoringvisse het dit geen horing of knop op die voorkop nie. 'n Kenmerk van die vis is die kop se hoekige voorkoms. Die vis se lyf is donkerbruin met swart en oranje merke op die gesig, amper soos grimering. Die dorsale vin is geel met 'n blou rant en daar is twee, prominente helder oranjegeel kielplate op die stertvin se basis. Die mannetjies ontwikkel lang filamente op die stertvin.

Hulle leef in aflandige koraal- en soms rotsriwwe in water wat 1 tot 70 m diep is. Hulle skuil in die rommel, koraal en rotsareas. Die vis is gewoonlik enkellopend maar kan ook in klein groepe saamwoon. Hulle vreet hoofsaaklik alge.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• Naso elegans by FishBase

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3