Olifantsrivier, Limpopo
- Vir ander riviere in Suid-Afrika genaamd "Olifantsrivier", sien die dubbelsinnigheidsblad by Olifantsrivier.
Die Olifantsrivier is 'n hooftakrivier van die Limpoporivier wat in die Mpumalanga- en Limpopoprovinsies, asook vir sy laaste deel in Mosambiek vloei.
| Olifantsrivier, Lepelle Rio dos Elefantes (pt) | |
|---|---|
 | |
| Stroomgebied |  Suid-Afrika Mosambiek
|
| Oorsprong | Tussen Breyten en Bethal |
| Monding | Limpoporivier |
| Stroomgebiedopp. | 68 450 km2 |
  Olifantsrivier, Lepelle |
|
| Koördinate: 23°57′31″S 31°52′48″O / 23.95861°S 31.88000°O | |
Ontstaan en roete
wysigDie rivier ontspring tussen die dorpe Breyten en Bethal in Mpumalanga[1] by 26°20′00″S 29°48′18″O / 26.3332°S 29.8050°O Dit vloei deur die Witbankdam en Loskopdam, sny oos deur die Transvaalse Drakensberg by die Abel Erasmuspas, vloei verder noordoos deur die laeveld in die Limpopoprovinsie en deur die Krugerwildtuin waar dit saamvloei met die Letabarivier. By die Lebomboberge sny die rivier deur die Olifantsravyn, waar die Banguravyn ook uit die suide aansluit, en steek dan die landsgrens oor na Gaza-provinsie, Mosambiek, waarna dit Rio dos Elefantes heet.
Hierna vloei dit in die Massingirdam in, later sluit die Shingwedzirivier by die Olifants aan. Ongeveer 40 km van die Mosambiekse grens, sluit dit by die Limpoporivier aan (by 24°06′45″S 32°38′09″O / 24.1124°S 32.6358°O), voor dit suid draai en uiteindelik by Xai-Xai noord van Maputo in die Indiese Oseaan uitmond. Die opvanggebied van die Olifants word op 68 450 km2 bereken.[2]
Oorbeweiding in middeldele van die rivier het deur die jare erge gronderosie in die riviervallei veroorsaak, veral na harde reënbuie. Die Olifants is een van die ergs-besoedelde riviere in Suider-Afrika,[3] en honderde damme in die opvanggebied het ook die natuurlike vislewe benadeel.[4]
Sytakke
wysigHoofsytakke
wysig- Letabarivier[5]
- Steelpoortrivier[6]
- Shingwedzirivier (sluit by die Olifants aan 12 km stroomaf van die Massingirdam)[7]
Kleiner sytakke
wysig
Die sytakke in die Krugerwildtuin is die Tsutsi, Nhlaralumi, Shisakashanghondo, Timbavati- en die Banguriviere.[9]
Die geskiedkundige gebied van die Pedi-bevolking, Sekhukhuneland, is geleë tussen die Olifantsrivier en sy groot sytak, die Steelpoortrivier.
Damme
wysigSommige van die dertig groot damme in die Olifantsrivierbekken is:
In Suid-Afrika
wysig- Witbankdam
- Rhenosterkopdam, in die Elandsrivier
- Rust de Winterdam
- Blyderivierspoortdam
- Loskopdam
- Middelburgdam in die Klein Olifantsrivier
- Ohrigstaddam
- Flag Boshielodam (voorheen die Arabiedam)
- Phalaborwa keerwal
In Mosambiek
wysigVerwysings
wysig- ↑ Major rivers and streams within the Limpopo River Basin
- ↑ http://www.fao.org/3/y5744e/y5744e07.htm
- ↑ Contaminated Olifants River Running Out of Time
- ↑ Strauss, Lynette (2006). "Kruger Gorge". Greater Kruger National Park. krugerpark.co.za. Besoek op 24 Februarie 2022.
- ↑ Luvuvu Lethaba WMA 2
- ↑ Major rivers and streams within the Limpopo River Basin
- ↑ Shingwedzi River why is it the most polluted river in the KNP?
- ↑ Olifants river WMA 4
- ↑ Petersen, Robin; Riddell, Eddie; Govender, Danny; Sithole, Hendrik; Venter, Jacques; Mohlala, Thabo (2015). "State of the rivers – Kruger National Park" (PDF). sanparks.org. Savanna Science Networking Meeting 2015 – Skukuza, KNP. Besoek op 25 Februarie 2022.
- ↑ Massingir Dam & Flooding of Olifants Gorge
Eksterne skakels
wysig| Wikimedia Commons bevat media in verband met Olifants River (Mpumalanga). |