Pristidae

Die Saagvisse (Pristidae) is 'n kraakbeenvis-familie wat hoort tot die orde Pristiformes. Daar is twee genera met ses spesies wat hoort tot dié familie en drie van die spesies kom aan die Suid-Afrikaanse kus voor.

Pristidae
Pristis pectinata
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Klas:	Chondrichthyes
Subklas:	Elasmobranchii
Superorde:	Batoidea
Orde:	Pristiformes
Familie:	Pristidae Bonaparte, 1838
Genera
Anoxypristis Pristis

Kenmerke

Die uitstaande kenmerk van die familie is die plat snawel met tande aan weerskante wat soos 'n saag lyk. Die kop en voorste gedeelte van die lyf is plat terwyl die agterste gedeelte meer soos die lyf van 'n haai lyk. Die familie het twee dorsale vinne, 'n asimmetriese stertvin (die boonste lob is langer) en die pektorale vinne is langs die kop geheg en lyk amper soos twee vlerke. Daar is vyf pare kieue splete teenwoordig aan die onderkant van die kop. Die familie word tot 7 m lank - die saag ingesluit en is ovovivipaar. Hulle kom voor in vlak water by sanderige bodems, soms in riviermondings. Die familie is eetbaar. Die saag word gebruik om kos uit te krap en ook om prooi mee dood te maak.

Genera

Die volgende genera en gepaardgaande spesies kom aan die Suid-Afrikaanse kus voor:

• Pristis

• Pristis microdon - Groottandsaagvis
• Pristis pectinata - Kleintandsaagvis
• Pristis zijsron - Langkam-saagvis

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies
• Visordes van Suider-Afrika

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7