Breëbalk-vuurvis

Die Breëbalk-vuurvis (Pterois antennata) is 'n vis wat voorkom in die Indiese – Pasifiese area en aan die ooskus van Afrika vanaf Oman tot by Park Rynie. Die onvolwasse vissies is al opgemerk in die Oos-Kaap. In Engels staan die vis bekend as die Antenna firefish.

Breëbalk-vuurvis
Breëbalk-vuurvis (Pterois antennata)
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Scorpaeniformes
Familie:	Scorpaenidae
Subfamilie:	Pteroinae
Genus:	Pterois
Spesie:	P. antennata
Binomiale naam
Pterois antennata (Bloch, M.E., 1787)

Voorkoms

Die vis is rooierig van kleur met breë vertikale strepe oor die lyf en kop. Die dorsale vin bestaan uit 12 afsonderlike strale, waarvan die langste langer as die liggaam is. Die pektorale vinne het 16 – 17 lang strale terwyl daar tentakels bokant die oë groei – wat herinner aan die antennes van insekte. Die vis word 20 cm lank. Daar is ook gifbuise in die dorsale-, anale- en bekkenvinne.

Habitat en gewoontes

Die vis verkies rotsriwwe waar hy skuil in grotte en skeure in water wat nie dieper is as 50 m is nie. Die vis is 'n roofvis. Die vis kan in 'n akwarium aangehou word, maar moet versigtig hanteer word. Dit ontgroei 'n klein akwarium vinnig.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://www.fishbase.org/summary/Pterois-antennata.html