Rivierrondeharing

Die Rivierrondeharing (Gilchristella aestuaria) is 'n vis wat endemies is aan Suid-Afrika en kom voor vanaf die Olifantsrivier tot by die suide van Mosambiek. In Engels staan die vis bekend as die Estuarine roundherring.

Rivierrondeharing
'n Naverwante soort
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Clupeomorpha
Orde:	Clupeiformes
Familie:	Clupeidae
Genus:	Gilchristella Fowler, 1935
Spesie:	G. aestuaria
Binomiale naam
Gilchristella aestuaria (Gilchrist, 1913)

Voorkoms

Die lyf is ietwat plat. Die vis is deurskynend blou met 'n ligte streep langs die sye. Dit het 'n silwer kop en die onderste gedeelte van die liggaam is ook silwer. Daar is ook swart kolletjies aan die rugkant en kop van die vis. Die vis word slegs 7 cm groot

Habitat

Die vis kom voor in riviermondings, kusbaaie en mere en bly in skole saam en word selde in die see gevind. Hulle vreet soöplankton deur of filter-voeding of deur die prooi een-een te jag.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bronne

• Gids tot die Kusgebiede van Suid-Afrika. Jacana Media. 2007 ISBN 978-1-77009-215-0
• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Gilchristella-aestuaria.html