Bruinkol-kurper

Die Bruinkol-kurper (Serranochromis thumbergi) is 'n varswatervis wat in die Okavango-, Kunene- en Kafueriviere en boonste gedeelte van die Zambezirivier voorkom. In Engels staan die vis bekend as die Brownspot largemouth.

Bruinkol-kurper
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Cichlidae
Subfamilie:	Pseudocrenilabrinae
Genus:	Serranochromis (Regan, 1920)
Spesie:	S. thumbergi
Binomiale naam
Serranochromis thumbergi (Castelnau, 1861)

Voorkoms

Die wyfie is grysbruin en die vinne is blougrys met ligte blou rante. Die mannetjie is olyfbruin en die skubbe is roesrooi in die middel. Die onderkant van die kop en onderkant van die vis is roomkleurig en die pensvinne is geel terwyl die stert- en dorsalevinne olyf is met geel rante. Die anale vin is liggeel met oranje kolle op. Die vis word tot 33 cm lank en weeg ongeveer 1.2 kg. Die Suid-Afrikaanse hengelrekord is 0.215 kg.

Habitat

Die vis leef in vloedvlaktes, kanale en lagunes maar verkies oop water. Hulle vreet insekte, krappe en vis. Die vis is hoofsaaklik 'n sportvis.

Sien ook

• Alfabetiese lys van visse
• Kurper
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://fishbase.org/summary/Serranochromis-thumbergi.html

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1