Sewastopol

Sewastopol • Севастополь
Sevastopol Nahimova 4-2.jpg

Kaart Wapen
Map of Ukraine political simple City Sewastopol.png
COA of Sevastopol.svg
Vlag
Flag of Sevastopol.svg
 Land Vlag van Oekraïne Oekraïne
Vlag van Rusland Rusland
 Deelgebied Flag of Sevastopol.svg Sewastopol-oblast
Republiek Krim
 Stigting 1783
 Oppervlakte:  
 - Totaal 864 vk km
 Hoogte bo seevlak 100 m
 Bevolking:  
 - Totaal (2013) 344 479
 - Bevolkingsdigtheid 1 972/vk km
 Tydsone MSK / UTC +4
 Goewerneur (waarnemend) Sergei Menjailo
 Amptelike Webwerf sev.gov.ua

Sewastopol (voorheen Sebastopol; Oekraïens en Russies: Севасто́поль) is ’n hawestad wat aan die Swartsee geleë is. Dit het ’n bevolking van ongeveer 393 304 (2014),[1] waarvan omtrent 71,6% van Russiese afkoms is.[2] Dit is die grootste stad op die Krimskiereiland. Sy status word tans deur Rusland en Oekraïne betwis – Rusland en Sewastopol self beskou dit as ’n federale stad van Rusland, terwyl die meeste ander lande dit as deel van Oekraïne beskou.

Satellietbeeld van Sewastopol
Вид на залив Севастополе.jpg
Sewastopolbaai.
Fiolent Sevastopol 2009 G1.jpg
Rotsformasies aan die kus van Sewastopol.

Rusland het steeds ’n vlootbasis in Sewastopol en dit is ook die hoofkwartier van die Russiese vloot in die Swartsee. Die ligging en vaarbaarheid van die stad se hawens het Sewastopol deur sy geskiedenis ’n strategies belangrike stad en vlootbasis gemaak.

Sewastopol is 'n belangrike toeristebestemming vir mense uit die voormalige Sowjetunie vanweë sy subtropiese klimaat (gematigde winters en matig warm somers). Hoewel dit relatief klein is teen 864 km2, het die stad se unieke vloot- en martieme kenmerke gesorg vir ’n sterk ekonomie.

Die stad is ook ’n belangrikse sentrum vir navorsing oor mariene biologie. Veral die dolfyne in die stad word al sedert die einde van die Tweede Wêreldoorlog nagevors en opgelei.

In 2014 is die stad, met die res van die Krim, deur Rusland geannekseer. Dit volg nadat die plaaslike bevolking ’n referendum uitgeroep en oorweldigend ten gunste van hereniging met Rusland gestem het.[3]

EtimologieWysig

Nes met ander stede op die Krim die geval is, is die naam van Sewastopol oorspronklik gekies om sy antieke Griekse wortels te weerspieël. Dit is ’n samestelling van die Griekse byvoeglike naamwoord σεβαστός sebastos, "hoogwaardige", en die selfstandige naamwoord πόλις pólis, "stad". Sebastos is die tradisionele Griekse ekwivalent (Sebastian) van die Romeinse eretitel Augustus, wat oorspronklik aan die eerste keiser van die Romeinse Ryk, Augustus, gegee is en later aan sy opvolgers.

Ondanks die Griekse oorsprong daarvan is die naam nie uit die tyd van antieke Griekeland nie. Die stad is moontlik genoem na keiserin ("Augusta") Katharina die Grote van die Russiese Ryk wat Sewastopol in 1783 gestig het. Sy het die stad in 1787 besoek, vergesel van Josef II, die keiser van Oostenryk, en ander hooggeplaastes.

In die weste van die stad is die goed bewaarde ruïnes van die antieke Griekse hawestad Chersonesos, wat in die 5de eeu v.C.[4] deur setlaars gestig is. Dit beteken "skiereiland" en weerspieël die ligging daarvan.

GeografieWysig

Die stad Sewastopol is aan die suidwestelike punt van die Krim aan die Swartsee geleë op ’n deel wat as Heraklesskiereiland bekend is. Die stad self is in die westelike deel van die streek gekonsentreer en om die lang Sewastopolbaai. Die baai is ’n riviercanyon wat vanweë die styging van die seewater en die monding van die Tsjornarivier oorstroom is. Die kuslyn van die gebied is meestal rotsagtig en bestaan uit ’n reeks kleiner baaie, waarvan baie in Sewastopolbaai geleë is. Daar is meer as 30 baaie in die omgewing.

Benewens die Tsjorna vloei nog twee riviere deur die streek: die Belbek en die Katsja. Al drie reekse van die Krimberge word in Sewastopol verteenwoordig – die suidelike reeks deur die Balaklawahoogland, die binnereeks deur die Mekenzijefberge en die buitereeks deur die Kara-Taoe-hoogland (Swartberg).

KlimaatWysig

Sewastopol het ’n vogtige subtropiese klimaat (Köppen-klimaatklassifikasie: Cfa)[5] danksy ’n gemiddelde somertemperatuur van 22 °C en koel winters. Die gemiddelde jaarlikse temperatuur is 15-16 °C bedags en 9 °C snags.

Die gemiddelde jaarlikse seetemperatuur is 14,2 °C, wat wissel van 7 °C in Februarie tot 24 °C in Augustus. Die gemiddelde reënval is sowat 400 mm per jaar.[6]

’n Panorama van die ingang na Sewastopol se hawe (links), met sy monument vir die Russiese skepe wat tydens die Krimoorlog gekelder is om die hawe te blokkeer (heel regs).

ToerismeWysig

Ná die Tweede Wêreldoorlog is Sewastopol heeltemal herbou. Baie topargitekte en siviele ingenieurs van Moskou, Leningrad, Kiëf en ander stede en duisende werkers van oor die Sowjetunie het help bou aan die projek, wat in die middel 1950's grootliks voltooi was. Die kern van die middestad bevat meestal drieverdiepinghuise in die Mediterreense styl met balkonne en boë, terwyl winkels op die grondvlak gehuisves word. Sommige gerestoureerde landmerke dateer terug van die vroeë 20ste eeu, soos die Art Nouveau-poskantoor aan Bolsjaja Morskaja oelitsa en die kunsmuseum aan Nachimofski prospekt. Inwoners van omringende woonbuurte spandeer graag hulle someraande hier deur onder die bome in die lane en boulevards te stap en daarna na die waterfront te gaan.

Vanweë die stad se militêre geskiedenis is die meeste strate na Sowjet- en Russiese militêre helde genoem. Honderde monumente en gedenkplate in verskeie dele van Sewastopol gedenk sy militêre verlede.

VerwysingsWysig

  1. Russian Federal State Statistics Service (2014). "Таблица 1.3. Численность населения Крымского федерального округа, городских округов, муниципальных районов, городских и сельских поселений" [Table 1.3. Population of Crimean Federal District, Its Urban Okrugs, Municipal Districts, Urban and Rural Settlements]. Федеральное статистическое наблюдение «Перепись населения в Крымском федеральном округе». ("Population Census in Crimean Federal District" Federal Statistical Examination) (in Russian). Federal State Statistics Service. Besoek op 4 Januarie 2016.
  2. "Oekraïense volkstelling 2001". Geargiveer vanaf die oorspronklike op 24 November 2007. Besoek op 7 Januarie 2013.
  3. Gutterman, Steve. "Putin signs Crimea treaty, will not seize other Ukraine regions" (in Engels). Reuters.com. Geargiveer vanaf die oorspronklike op 24 September 2015. Besoek op 26 Maart 2014.
  4. "Ancient Chersonesos" [Ancient Chersonesos]. wmf.org/ (in Engels). Besoek op 25 Desember 2020.
  5. Kottek, M.; J. Grieser; C. Beck; B. Rudolf; F. Rubel (2006). "World Map of the Köppen-Geiger climate classification updated" (PDF). Meteorol. Z. 15 (3): 259–263. Bibcode:2006MetZe..15..259K. doi:10.1127/0941-2948/2006/0130. Besoek op 28 Augustus 2012.
  6. "Sevastopol Climate Summary". pogodaiklimat.ru. Besoek op 14 Februarie 2020.

Eksterne skakelsWysig

  Deelgebiede van Oekraïne
Oblaste  CharkifChersonChmelnitskiDnipropetrofskDonetskIwano-FrankifskLoehanskLwifMikolajifOdessaKiëfKirowohradPoltawaRiwneSaporisjaSjitomirSoemiTernopilTranskarpatiëTsjerkasiTsjernihifTsjerniftsiWinnitsjaWolhinië
 Outonome republiek  Krim
Munisipaliteite  KiëfSewastopol