Swartogies-slangpaling

Die Swartogies-slangpaling (Myrichthys maculosus) is 'n vis (daar word na die vis verwys as 'n paling) wat voorkom in die Indies-Pasifiese area, die Rooisee, die eilande van die westelike Indiese Oseaan en aan die ooskus van Afrika van Oman tot by die Oos-Kaap. In Engels staan die paling bekend as die Spotted snake eel.

Swartogies-slangpaling
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Elopomorpha
Orde:	Anguilliformes
Familie:	Ophichthidae
Genus:	Myrichthys
Spesie:	M. maculosus
Binomiale naam
Myrichthys maculosus (Cuvier, 1816)

Voorkoms

Die paling is lig van kleur en die lyf en kop is bedek met klein en groot ronde of ovaalvormige swart of bruin kolle. Die paling kan 1 m lank word. Die dorsale vin is herkenbaar op die rug en die pektorale vinne is ook sigbaar. Die stertpunt is hard en vinloos.

Habitat

Die paling word gereeld gesien in die dag in die sanderige gedeeltes van koraalriwwe. Hulle kom ook voor in seegrasbeddings. Hulle eet vissies en skaaldiere. Swartogies-slangpalings wat op eenslag geëet word, kan 'n gat in die pens van hul jagter met hul stertpunt maak. Hulle aard goed in groot akwariums.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Myrichthys-maculosus.html