Indiese akkedisvis

Die Indiese akkedisvis (Synodus indicus) is 'n vis wat voorkom aan die ooskus van Afrika vanaf die Rooisee tot by die Oos-Kaap, soms tot by Mosselbaai. In Engels staan die vis bekend as die Indian lizardfish.

Indiese akkedisvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Cyclosquamata
Orde:	Aulopiformes
Familie:	Synodontidae
Genus:	Synodus
Spesie:	S. indicus
Binomiale naam
Synodus indicus (F. Day, 1873)

Voorkoms

Die vis is dofpienk op die rug met ligte blou-grys vlekke en strepe op. Daar is twee kort swart strepe op die boonste rant van die kieudeksel. Die stertvin is geel met 'n swart rant. Die vis word tot 33 cm lank.

Habitat

Die vis leef in sanderige of rotsagtige bodems in water wat 20–100 m diep is en het geen kommersiële waarde nie. Indien die vis in 'n akwarium aangehou word neig dit om gedurende die nag uit die tenk te probeer spring.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7
• Froese, Rainer, en Daniel Pauly, eds. (2012). "Synodus indicus" in FishBase. April 2012-weergawe.