Trompetvis

Die Trompetvis (Aulostomus chinensis) is 'n straalvinnige vis in die familie van Trompetvisse (Aulostomidae). Die visse kom in die Indies-Pasifistiese area en aan die ooskus van Afrika tot by Oos-Londen voor. Die wetenskaplike naam vir die spesie is vir die eerste keer in 1766 deur Carolus Linnaeus gepubliseer. In Engels staan die vis as die Chinese trumpetfish bekend.

Trompetvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Syngnathiformes
Familie:	Aulostomidae
Genus:	Aulostomus
Spesie:	A. chinensis
Binomiale naam
Aulostomus chinensis (Linnaeus, 1766)

Voorkoms

Die vis het 'n lang, skraal liggaam wat lateraal saamgepers is met 'n lang, buisvormige bek. Die liggaam is geel of bruin, met groen vinne. Die vis het 'n platter kop en lyf as die fluitbek en daar is 'n ry van 8-13 kort stekels voor die dorsale vin. Dit het ook nie die lang stertfilament soos die fluitbekke nie. Die liggaam is tot 80 cm lank.

Hierdie visse staan dikwels regop in die water, met die kop na onder, tussen seevere en koraal terwyl hulle vir prooi wag. Hulle dryf ook soms bewegingloos soos 'n stukkie hout rond. As 'n skool visse verby swem slaan hulle soos 'n bliksemstraal toe.

• 
  'n Geel trompetvis
• 
  Let op die swart agterkant van die liggaam

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Aulostomus-chinensis.html