Witkolvylvis

Die witkolvylvis (Cantherhines dumerilii) is 'n vis wat voorkom in die Indies-Pasifiese area, die Rooisee en aan die ooskus van Afrika van Oman tot by Algoabaai. In Engels staan die vis bekend as die Whitespotted filefish.

Witkolvylvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Monacanthidae
Genus:	Cantherhines
Spesie:	C. dumerili
Binomiale naam
Cantherhines dumerili (Hollard, 1854)

Voorkoms

Die kop en lyf is bruinerig terwyl die voorste helfte bedek is met donker kolletjies en daar is 10 - 12 donker vertikale strepe op die agterste helfte. Die stertvin het afwisselende donker en ligte strepe op. Die pektorale vinne is geel-oranje - die anale, dorsale en pektorale vinne is geel en die lippe is bleek wit. Die onvolwasse visse het wit kolletjies op die lyf en 'n paar swart kolletjies aan die onderkant van die lyf. Die vis word tot 38 cm groot.

Habitat

Die vis leef in koraal- en rotsriwwe tot op dieptes van 30 m. Hulle vreet onder andere koraal, skaaldiere, wurms, sponse en slakke. Die volwasse visse leef in pare saam.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Cantherhines-dumerilii.html