Bespreking:Rugbywêreldbeker 2023

Hierdie artikel is deur die gemeenskap geïdentifiseer as een van Wikipedia se spogartikels en het vir die eerste keer tydens week 3 van 2024 op ons voorblad gepryk. Dit beteken egter nie dat die artikel nie verder gewysig kan word nie: voel vry om dit te verbeter of by te werk.

Teks nog in Duits

Hallo SpesBona, kyk net weer na die teks, daar is nog so 7 paragrawe in Duits. Groete, Odriskelmac11 Odriskelmac11 (kontak) 11:51, 1 Junie 2023 (UTC)

Uitgevoer – uitgeklaar/afgehandel. Groete. --  SpesBona 18:00, 1 Junie 2023 (UTC)

Deur Suid-Afrika gewen...

Dankie vir hierdie lieflike artikel, @SpesBona:. Een van die uitstaande herinneringe wat ek, as Suid-Afrikaner, aan dié Wêreldbeker het, is dat "ons" gewen het. Sal jy omgee as ons dit in die eerste sin noem? Groete, Thermofan (kontak) 08:13, 16 Januarie 2024 (UTC)

@Thermofan: vra jy vir 'n eerste sin soos "Die Rugbywêreldbeker 2023 (Frans: Coupe du monde de rugby à XV 2023) is van 8 September tot 28 Oktober 2023 in Frankryk beslis en deur ons gewen."? Ek dink nie dit sou 'n ensiklopediese sin wees nie, byvoorbeeld gebruik artikels soos Afrikaans en Suid-Afrika nie een keer die woord "ons" op hierdie wyse nie ("ons taal" of "ons land"). Dit sou teenstrydig wees met Wikipedia se neutrale standpunt. Die artikels oor die 1995-, 2007- en 2019-toernooie praat ook nie in die eerste persoon meervoud nie. Wie het dan die ander ses toernooie gewen, hulle? Ons skryf maar ook vir Afrikaanssprekende Namibiërs en hulle is in die groepfase uitgeskakel. Wat my betref het ons (d.w.s. Duitsland) nie aan hierdie toernooi deelgeneem nie. Let op, ek verstaan baie goed wat hierdie prestasie vir Suid-Afrika en alle Suid-Afrikaners beteken, veral sedert 1995 en ook onder Siya Kolisi. Dit is hoekom ek sport in Afrikaans en Duits met baie passie doen. Groete. --  SpesBona 19:00, 16 Januarie 2024 (UTC)

NEE! Nee, nee..! Ag nee. Dit is nie wat ek bedoel het nie. Die woord “ons” was tong in die kies bedoel, net hier op die besprekingsblad. Jammer oor die verwarring. Baie dankie vir jou moeite en passie met die sportartikels, @SpesBona.

Wat ek bedoel het, is dat mens in ‘n bondage manier die “wie-wat-waar-wanneer”-vraag oor die 2023-wêreldbeker beantwoord. “Wanneer” is redelik voor-die-hand-liggend: 2023. Die presiese datums is dalk nie pertinent vir die eerste sin nie. “Wat” is Rugby. As iemand die moeite doen om “2023 Rugbywêreldbeker” te Google, wil hulle heel moontlik weet wie gewen het. Soos dit nou staan moet mens 530 woorde lees voordat jy uitvind wie gewen het. Dit beteken ook die wenspan van daardie jaar nie in ‘n sinopse deur Google sal verskyn nie.

Ek het vir ‘n oomblik gedink dat Wêreldrugby ‘n Franse instelling is, met die vertaling in Frans. Dalk my fout, maar effe verwarrend.

• Wat ek voorstel is dit:

Die Rugbywêreldbeker 2023, die Wêreldrugbybestuursliggaam se tiende rugbywêreldbekertoernooi, is in Frankryk beslis en is deur Suid-Afrika gewen toe hulle Nieu-Seeland met 12–11 geklop het.

Die toernooi, in Frans bekend as ”Coupe du monde de rugby à XV 2023”, is van 8 September tot 28 Oktober 2023 gehou. Die rugbywêreldbekertoernooi is 'n vierjaarlikse kampioenskap wat deur Wêreldrugby aangebied word en het saamgeval met die 200ste herdenking van rugby se “uitvinding” deur William Webb Ellis. Dit is die sesde toernooi wat in die Noordelike Halfrond afspeel.

Ek hoop dit is aanvaarbaar. Thermofan (kontak) 11:46, 22 Januarie 2024 (UTC)

@Oesjaar:, was dit 'n fout om in die eerste sin te noem dat Suid-Afrika die 2023 Rugbywêreldbeker gewen het? Ek het 'n dag gewag om te kyk of gebruiker:SpesBona beswaar het teen die voorgestelde teks. Soos verstaan het SpesBona nie op 16 Jan beswaar gehad teen die beginsel van 'n sinopsis van die toernooi in die eerste sin nie, maar hy het, heeltemal tereg, gesê dat dit nie ensiklopedies is om in die eerste persoon te skryf nie.

Is die verandering teruggerol oor die verwysings wat gebreek het, of is dit omdat dit 'n gesterde artikel is, of watse fout is begaan?

Dit is my eerste terugrol! Hoe moet mens so 'n voorgestelde verandering benader in die toekoms?

Thermofan (kontak) 14:00, 23 Januarie 2024 (UTC)

Want jy krap waar dit nie jeuk nie. Groete. Oesjaar (kontak) 14:01, 23 Januarie 2024 (UTC)

@Thermofan: jammer, ek het die "ons" letterlik opgevat en myself dan gevra hoe die eerste sin sou gelyk het. Sedert hierdie artikel se verskyning op ons voorblad het ek tot en met gister aan al die tien rugbywêreldbekertoernooie gewerk, hulle by mekaar aangepas en op datum gebring waar nodig, daar is mos rekorde verbeter. As ons een inleiding wil verander, raak dit ook die ander toernooi-artikels, hulle is mos deel van 'n reeks. Al die tien artikels het natuurlik 'n inligtingskas waar jy met 'n oogopslag kan sien, watter span geseëvier het. Myns insiens is in hierdie verband ook 'n vergelyking met die Duitse sokkergeskiedenis interessant, aangesien "ons" vier sokkerwêreldbekertitels vir Duitsland dieselfde beteken as die Springbokke se vier rugbywêreldbekertitels vir Suid-Afrika. As ek dan op die Duitstalige Wikipedia na die betrokke artikels kyk (1954, 1974, 1990 en 2014) – slegs die 1974-artikel geniet voorbladstatus – word (Wes-)Duitsland se triomfe eers in die tweede paragraaf, in die 1954-artikel eers in die derde paragraaf genoem. Tydens die 2023-toernooi het Wêreldrugby veral 200 jaar se rugby herdenk, sien hulle tuisblad heel onder. Die 2023-toernooi se hoogtepunt was beslis Suid-Afrika se vierde titel, maar byvoorbeeld Chili sal veral sy eerste deelname onthou, Portugal sy eerste oorwinning, beide Frankryk en Ierland hul groot hoop op 'n uitstekkende toernooi, Engeland sy beter-as-verwag-prestasie, Australië sy vroeë uitskakeling, Fidji sy verskyning in die kwarteindrondte, Nieu-Seeland die baie kritieke pers, Wallis sy swakker-as-gehoop-toernooi, Spanje sy aanvanklike hoop vir deelname, Georgië dat sy verwagte rol deur Portugal ingeneem is, beide Kanada en die VSA hul onverwagse uitskakeling in die kwalifisering, ens. Groete. --  SpesBona 20:00, 25 Januarie 2024 (UTC)

@Thermofan: jy moet ook net onthou dat ons vir mense skryf wat nie in Suid-Afrika sit nie. Daar is bv. Afrikaanssprekendes in Namibië, emigrante regoor die wêreld, en mense soos Gebruiker:SpesBona wat in Duitsland sit en homself Afrikaans geleer het. Al is die meeste van ons lesers seker in Suid-Afrika, en al is ons ensiklopedie in sekere plekke vanuit 'n Suid-Afrikaanse oogpunt geskryf (nes die Engelse Wikipedia soms uit 'n Amerikaanse of Noordelike Halfrond-oogpunt lees (dink bv. aan 'n sin soos In the summer of 2020...), die Duitse Wikipedia uit 'n Duitse oogpunt, ens.) moet ons sover as moontlik mik om vir almal te skryf. – Pynappel (kontak) 20:28, 25 Januarie 2024 (UTC)

Let op dat die inleiding chronologies en logies gerangskik is:

• Die datums, plek, aantal en organiseerder van die toernooi
• Die toernooi se deelnemende spanne ná hul kwalifisering
• Verloop van die toernooi met aantal wedstryde en formaat
• Gunstelinge, hul toernooiverloop, noemenswaardige uitslae tydens die toernooi op pad na die eindstryd en statistiek daaroor (in dié paragraaf noem ek altyd Suid-Afrika en Namibië)

Hierdie uitleg en formaat gebruik ek vir al die krieket-, rugby- en sokkertoernooie. Groete. --  SpesBona 22:30, 25 Januarie 2024 (UTC)

@SpesBona, dankie vir die deeglike verduideliking!

Om publieke artikels soos die te skryf is "soos om een geur pizza vir 'n miljoen mense te bestel en steeds almal gelukkig te hou." Ek het geweet dat daar lank en diep gedink is oor die formaat en die skryfstyl, maar nie verstaan wat die filosofie agter die keuse is nie. Ek het ook nie besef dat die formaat van sportartikels al klaar deur baie mense oor baie Wiki's so noukeurig gestandaardiseer is nie. Ek was met die eerste lees dalk te haastig om by die stukkie te kom wat ek wou weet.

As ek reg opsom is die styl van sportartikels dat die inleidende sin nie meer van belang is as die res van die eerste seksie (drie of vier paragrawe) nie, maar die héle eerste seksie as geheel die inleiding is en ál die belangrikste aspekte saamvat. Aangesien daar soveel verskillende aspekte is wat vir verskillende passievolle lesers van belang kan wees, kan daar nie slegs op die uitkoms van enige sportbyeenkoms in die eerste sin gefokus word nie.

Die fokus is op die sportliefhebber en entoesias wat in elk geval 'n redelike stuk teks gaan bestudeer, eerder as om 'n terloopse navraag in een sin te beantwoord. Jy is heeltemal reg dat die toevallige snuffelaar wat die inligtingskas kan sien, tog daar kan sien wat die uitslag van die toernooi was. Ek besef ook dat 'n Google soektog voorsiening maak vir die onkundiges wat net gou die sinopsis wil hê.

Ek aanvaar dat hier op Wikipedia 'n lang formaat- en skryf-tradisie ontwikkel het en dit onmoontlik is om sommer net gou op 'n ingewing die styl van 'n paar honderd artikels oor 'n paar dosyn taal-wiki's te verander.

En: Hierdie ís 'n puik artikel waarop SpesBona trots kan wees! Dankie! Thermofan (kontak) 10:12, 26 Januarie 2024 (UTC)

@Thermofan: Die inleiding weerspieël ook die artikel se formaat (dit is dieselfde volgorde: toewysing aan die gasheer, deelnemers ná die kwalifisering, toernooiformaat met die beskrywing van die wedstryde se volgorde, die wedstryde op sigself met die vernaamste uitslae, ter afsluiting die statistiek met die spanne se afsluiting en spelerstatistieke). Myns insiens pas hierdie formaat die beste vir sporttoernooie en ek sien dit ook op ander taalweergawes, vanweë die deelnemende spanne beskou ek saam met Afrikaans veral Engels, Frans, Italiaans, Portugees en Spaans as noemenswaardig. Baie dankie vir jou groot belangstelling in hierdie artikel, ek waardeer dit opreg! Belangstelling is mos die beste salaris vir vrywilligers. Groete. --  SpesBona 21:30, 26 Januarie 2024 (UTC)

@SpesBona Ja!😀 Thermofan (kontak) 06:42, 27 Januarie 2024 (UTC)