Ramkop-lipvis

Die Ramkop-lipvis (Cheilinus undulatus) is 'n vis wat wydverspreid voorkom in die Stille Oseaan, die Indiese Oseaan, die Rooisee en aan die ooskus van Afrika suidwaarts tot by die suide van Mosambiek. In Engels staan die vis bekend as die Humphead wrasse.

Ramkop-lipvis
Bewaringstatus
Bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Labridae Cuvier, 1816
Genus:	Cheilinus
Spesie:	C. undulatus
Binomiale naam
Cheilinus undulatus Rüppell, 1835
Sinonieme
Cheilinus mertensii Cheilinus rostratus

Identifikasie

Die vis word tot 230 cm lank en is een van die grootste rifvisse. Dit kan tot 190 kg weeg. Die groot volwasse visse het 'n prominente knop op die voorkop. Beide geslagte se kleur variasies is dieselfde. Hulle is olyfkleurig tot groen met 'n donker, vertikale breë streep op elke skub wat die elisie van vertikale lyne skep. Daar is twee horisontale strepe net agter die oë.

Die vis leef in tropiese strandmere, aflandige koraalriwwe en skeepswrakke in water wat 1 tot 60m diep is. Die onvolwasse vissies leef in grasagtige gebiede en word min gesien. Hulle is meestal alleenlopers. Die volwasse visse is gedurig op soek na prooi op die riwwe en slaap in grotte gedurende die nag. Hulle vreet 'n verskeidenheid klein vissies, slakke, seekastaiings en ongewerweldes.

Hierdie vis word genadeloos gejag en die spesie word bedreig.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://www.fishbase.se/summary/Cheilinus-undulatus.html

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3