Wikipedia

Groep van 20

(Aangestuur vanaf G20)

Die Groep van die 20 voorste nywerheids- en ontwikkelende lande (G-20) is 'n informele vereniging wat uit die Europese Unie en 19 ander lidstate bestaan. Suid-Afrika is die enigste lid op die vasteland van Afrika. Die Groep van 20 is as 'n belangrike internasionale forum, ten opsigte van samewerking en wedersydse raadpleging en konsultasie in verband met kwessies wat die internasionale finansiële stelsel raak, gestig.

Groep van 20 voorste nywerheids- en ontwikkelende lande:

   Lidlande van G20

   Lede van die Europese Unie wat nie individueel verteenwoordig word nie

   Gaste

Die G-20 se berade word deur die ministers van finansies en die direkteurs van die Sentrale of Reserwebanke van die Groep van Agt en twaalf ander state asook die president van die Europese Raad bygewoon (mits hierdie amp tydens die beraad nie reeds deur 'n verteenwoordiger van een van die G7-state beklee word nie), die president van die Europese Sentrale Bank, die besturende direkteur van die Internasionale Monetêre Fonds (IMF), die voorsitter van die Internasionale Komitee van Geldeenhede en Finansies (IKGF/IMFC), die president van die Wêreldbank en die voorsitter van die Wêreldbank en die IMF se Development Assistance Committee bygewoon.

Lys van die Groep van 20-spitsberade

wysig
Gasheerplekke van G20-berade
Datum Land Stad Plek Gasheer Notas
1ste 15–16 Desember 1999   Duitsland Berlyn
2de 24–25 Oktober 2000   Kanada Montreal
3de 16–17 November 2001   Kanada Ottawa
4de 22–23 November 2002   Indië Delhi
5de 26–27 Oktober 2003   Meksiko Morelia
6de 19–21 November 2004   Duitsland Berlyn
7de 15–16 Oktober 2005   Volksrepubliek China Beijing
8ste 18–19 November 2006   Australië Melbourne
9de 17–18 November 2007   Suid-Afrika Kaapstad
10de 8–9 November 2008   Brasilië São Paulo
11de 14–15 November 2008   Verenigde State Washington, D.C. National Building Museum George W. Bush spesiale byeenkoms oor die ekonomiese wêreldkrisis
12de 2 April 2009   Verenigde Koninkryk Londen ExCeL London Gordon Brown Die G20-byeenkoms in Londen was hoofsaaklik gewy aan die gevolge van die ekonomiese krisis en is bygewoon deur die leiers van die lidlande, aangevul met Spanje en Nederland (as verteenwoordigers van die Europese Unie), asook die ministers van Finansies en die presidente van die sentrale banke. Die vernaamste resultate was 'n ekstra impuls vir die finansiële wêreld, steun aan die IMF en 'n wêreldwye reguleringsorgaan vir die finansiële markte. Die IMF het 'n bykomende bedrag van 500 miljard dollar gekry om die finansiële stabiliteit in die wêreld te versterk. Japan, die Europese Unie en die Verenigde State sou elk die IMF met 100 miljard dollar versterk. Met hierdie toegif verdrievoudig die middele van die IMF vir die bestryding van die finansiële krisis. Daarbenewens is afgespreek om proteksionisme teen te werk en 'n halt te roep met belastingparadyse.
13de 24–25 September 2009   Verenigde State Pittsburgh David L. Lawrence Convention Center Barack Obama Tweede byeenkoms vir 2009. Vir hierdie geleentheid was ook die leiers uitgenooi van die lande Spanje en Nederland en die organisasies NEPAD, ASEAN, Verenigde Nasies, Wêreldbank, Internasionale Monetêre Fonds, Wêreldhandelsorganisasie, APEC en die FSF. Hulle het samesprekings gevoer oor die vooruitgang wat gemaak is sedert die voorafgaande twee byeenkomste en verdere aksies is bespreek wat moet lei tot herstel weens die wêreldwye finansiële en ekonomiese krisis.
14de 26–27 Junie 2010   Kanada Toronto Metro Toronto Convention Centre Stephen Harper Op die agenda is onder andere bankbelasting. Protesaksies kom voor. Enkele mense het vreedsaam geprotesteer, maar ander verwoes winkelvensters, steek polisievoertuie aan die brand en verniel antennas van televisiestasies.
15de 11–12 November 2010   Suid-Korea Seoel COEX Convention & Exhibition Center Lee Myung-bak Die oorheersende tema was die dreigende valutaoorlog. Die voortgesette ruim geldpolitiek van die Verenigde State bly die waarde van die dollar voortdurend ondermyn. Die samesprekings lewer geen resultaat op nie.
16de 3–4 November 2011   Frankryk Cannes Palais des Festivals Nicolas Sarkozy
17de 18–19 Junie 2012   Meksiko San José del Cabo, Los Cabos Los Cabos Convention Center Felipe Calderón
18de 5–6 September 2013   Rusland Sint Petersburg Strelna Wladimir Poetin
19de 15–16 November 2014   Australië Brisbane Brisbane Convention & Exhibition Centre Tony Abbott
20ste 15–16 November 2015   Turkye Serik, Antalya Regnum Carya Hotel Convention Centre Recep Tayyip Erdoğan
21ste 4–5 September 2016   Volksrepubliek China Hangzhou Hangzhou International Exhibition Centre Xi Jinping Die hooffokus was die swak groei in die wêreldekonomie. As grootste risiko's vir die wêreldekonomie is wispelturige kapitaalstrome genoem, 'n skerp val in grondstofpryse en geo-politieke spanning. Die enigste konkrete ooreenkoms was dat sentrale bankiers hul monetêre beleid beter met mekaar gaan koördineer.[1]
22ste 7–8 Julie 2017   Duitsland Hamburg Hamburg Messe Angela Merkel
23ste 30 November–1 Desember 2018   Argentinië Buenos Aires Costa Salguero Center Mauricio Macri
24ste 28–29 Junie 2019   Japan Osaka Intex Osaka Shinzo Abe
25ste 21–22 November 2020   Saoedi-Arabië Riaad King Abdullah Financial District Salman Weens die wêreldwye Covid-19-pandemie aanlyn gehou
26ste 30–31 Oktober 2021   Italië Rome EUR Nuwe Konferensiesentrum Mario Draghi
27ste 30–31 Oktober 2022   Indonesië Bali Bali Nusa Dua Konferensiesentrum Joko Widodo
28ste 2023   Indië Nieu-Delhi India International Convention and Expo Centre Narendra Modi
29ste 2024   Brasilië N.v.t. N.v.t. N.v.t.

Leiers van die G20

wysig

Lidlande

wysig

Geskiedenis

wysig

Die G20 is vir die eerste keer bespreek tydens die konferensie van die G7 in Keulen in Junie 1999, en formeel gestig tydens die vergadering van die G7 op 26 September 1999. Die eerste byeenkoms van die G20 vind plaas op 15 en 16 Desember 1999 in Berlyn. Aanvanklik het die ministers van Finansies van alle lidstate, die presidente van die sentrale banke van die lande van die G7 en van 12 ander belangrike lande en die voorsitter van die Europese Unie sitting in die G20.

Organisasie

wysig

Die G20 het geen permanente sekretariaat van permanente beamptes nie. Hierdie take word per vergadering deur ander lande uitgevoer. Die land wat die byeenkoms organiseer stel 'n tydelike sekretariaat saam, wat die werk en die organisasie van die byeenkoms lei.

Die vergaderings is onreëlmatig maar in die algemeen jaarliks, voorafgegaan deur 'n voorbereidende byeenkoms. In Oktober 2008 is 'n spesiale byeenkoms gewy aan die gevolge van die kredietkrisis, bygewoon deur die regering leiers van die lidlande. Hierdie word in April 2009 opgevolg.

Verwysings

wysig
  1. ↑ (nl) Het Financieele Dagblad Dijsselbloem: 'Voldoende ruimte om groei aan te jagen', 27 Februarie 2016, besoek op 4 Maart 2016

Eksterne skakels

wysig
Ontsluit van "https://af.wikipedia.org/w/index.php?title=Groep_van_20&oldid=2713151"