Gebruikerbespreking:Lefcentreright/Argief2020

Welkom

Hallo Lefcentreright/Argief2020, hartelik welkom op die Afrikaanse Wikipedia! Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie. Die Afrikaanse Wikipedia bestaan al sedert Desember 2001 en bevat reeds 120 032 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor 'n mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud. ___ Verifieerbaarheid Die eerste van Wikipedia se drie kernbeleide ___ Geselshoekie Die gewilde bymekaarkomplek ___ Geen oorspronklike navorsing Die tweede van Wikipedia se drie kernbeleide ___ Sandput Eksperimenteer na hartelus ___ Neutrale standpunt Die derde van Wikipedia se drie kernbeleide ___ Redigeringsinstruksies Hoe maak ek: teks wat skuinsgedruk is? ’n opskrif? tabelle? ___ Wat Wikipedia nie is nie Daar is ook ’n paar dinge wat ons nié hier doen nie ___ Beelde As jy beelde wil oplaai ___ Beleefdheid Ken jou maniere ___ Wenke vir die skryf van ’n goeie artikel Soms sê die naam alles Hierdie bladsy, wat nou op jou skerm staan, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap voltooi is. Kliek dan as laaste op "Stoor bladsy" om enige bewerkings te stoor.

Goeienaand Lefcentreright, ek's bly om jou hier te sien skryf. Die artikel oor Alan Winde lyk heelwat beter, baie dankie! Ons benodig artikels wat só lyk, veral met die oog op 8 Mei. Laat weet as ek jou kan help. Groete. --  SpesBona 18:15, 10 April 2019 (UTC)

Andrew Cuomo

Hoekom het jy hierdie wysiging aangebring? Dit lyk nie soos 'n verbetering nie? – K175 (skil 'n appeltjie) 19:26, 30 Junie 2020 (UTC)

@K175 en SpesBona: Goeie naand. Ek het dit teruggerol as gevolg van hoe die tweede verwysing vertoon het. Die bot het die skakel stukkend geslaan. --Lefcentreright (kontak) 19:36, 30 Junie 2020 (UTC)

@Lefcentreright: Uitgevoer – K175 (skil 'n appeltjie) 20:22, 30 Junie 2020 (UTC)

Noloyiso Sandile

@Lefcentreright:, ek sien bogenoemde koningin is oorlede. Sy is Regent of the Royal House of the AmaRharhabe. Kan jy dalk help met 'n artikel? Groete! Oesjaar (kontak) 20:29, 8 Julie 2020 (UTC)

@Oesjaar: Goeie naand! Ek het gesien, maar ek was vandag besig om vir 'n Wiskunde toets te leer. Ek sal defnitief môre middag help om 'n artikel te skep. Groete, --Lefcentreright (kontak) 21:05, 8 Julie 2020 (UTC)

@Oesjaar: Die artikel kan in Gebruiker:Lefcentreright/Sandput gevind word. Dankie, --Lefcentreright (kontak) 15:59, 9 Julie 2020 (UTC)

@Lefcentreright:, goed gedoen. Jy kan dit maar oorplaas. Groete! Oesjaar (kontak) 16:45, 9 Julie 2020 (UTC)

Geboorte/sterftedatums

Jan, dankie vir jou politieke bydraes hier. Professioneel en neutraal, dit gee 'n bietjie balans aan ons Wiki! Onthou asb om die geboorte/stefte datums in die jaartal en dagtaal by te werk! Groete! Oesjaar (kontak) 16:46, 18 Julie 2020 (UTC)

Hallo @Oesjaar:, sal so maak! Ook nuus: ek is tans 'n kandidaat vir administrateur. Na vanoggend se aanval, het ek besluit om my naam in die hoed te gooi. Ek wil graag meer effektief teen vandalisme/vandale veg. Groete!

Adminstatus

Goeienaand Jan, ek bring jou regte as 'n admin van die Afrikaanse Wikipedia saam; baie welkom in dié span! Sien, my groot passie is Suid-Afrikaanse sport, veral krieket en rugby, soos jy maklik kan raaksien. Ek is baie mal oor die Springbokke en Proteas, en dít as 'n Duitser (Duitsers ken meestal net sokker)! Soms bots Suid-Afrikaanse politiek en sport, maar soms nie. Ek luister elke dag op RSG, wat daar aangaan. In onlangse jare het die Suid-Afrikaanse politiek verwarrend geword, veral die plaaslike. My gunstelingparty is eintlik die DA, maar selfs hulle het uitmekaargeval, baie teleurstellend. Gebeur daar nou iets met die burgemeester van Pretoria? Ons wag al vir maande? Weet jy dalk iets? Groete. --  SpesBona 21:00, 18 Julie 2020 (UTC)

@SpesBona: Goeie naand, SpesBona. Dit is 'n baie groot eer en baie dankie. Ek het in Junie 2017 onder 'n ander rekening by die Engelse Wikipedia aangesluit. Ek het daardie rekening se wagwoord verloor en toe moes ek die een skep. Die hele rede hoekom ek deel geword het van Wikipedia, is want ek was "gatvol" om artikels met hierdie "outdated"/"cleanup"/"additional citations required" sjablone te sien. Ek het toe begin redigeer. My eerste klompie bydraes op die Engelse Wikipedia was maar kontroversieel, meestal omdat ek nie die beleide verstaan het nie. Ek het toe gou die beleide opgelees en toe het het ek beter begin wysig. In April 2019 het jy my gekontak om deel te word van die Afrikaanse Wikipedia. Ek het eers nie geweet dat daar so 'n Wikipedia bestaan nie. Ek het maar net gedink dis Commons en die Engelse Wikipedia. Niks ander nie. Ek het toe hier begin wysig en nou is ek 'n admin :D!

Ek hou nie baie van sport nie. Af en toe kyk ek 'n sokker wedstryd, maar dit is dit. Ek stel ook belang in buitelandse politiek, veral Amerikaanse en Europese politiek. Die Greens van Duitsland (jy sal hulle ken as "Grune") is my gunsteling party. My gunsteling Suid-Afrikaanse politieke party is die IVP (Inkatha Vryheidsparty). Met betrekking tot die Tshwane burgemeester, ek het onlangs gesien dat die DA die heeltyd net hofsake wen, terwyl die ANC die heeltyd appelleer. Ek vermoed die munisipaliteit sal nie gou 'n nuwe burgemeester hê nie. ANC sal dit wil uitstel tot die 2021-verkiesing. Weereens, baie dankie! Groete, Lefcentreright (kontak) 21:27, 18 Julie 2020 (UTC)

Een vraag wat my onder die naels brand: Hoe het jy dit reggekry om al die bekende Suid-Afrikaanse politici te ontmoet? Die president Cyril Ramaphosa en selfs ouens soos Julius Malema en Floyd Shivambu. Hoe doen jy dit en hoe was dit om met hulle te gesels? Ek weet laasgenoemde het nie eers die oorwinning van die Springbokke gevier nie en wat hulle oor Afrikaans dink is alombekend.

PS, jy verwys na "Bündnis 90/Die Grünen". Hulle is ook nader aan my spektrum as CDU of die ... "AfD". Ek beskou myself as "linksliberaal", dus iets soos "doen wat jy wil doen, solank jy my regte nie aanpak nie". Ek is ook baie bly dat my uitnodiging in 2019 gewerk het! :) Groete. --  SpesBona 21:55, 18 Julie 2020 (UTC)

@SpesBona: Ek is maar net 'n baie gelukkige mens. Ek meen, ek en my familie was by 'n restaurant in Johannesburg. Die volgende oomblik hoor ek mense hoe mense juig. Ek loop toe om die draai, sien vir Cyril, ruk my ma se kamera uit haar hande uit, en hardloop om 'n foto te kry. Ek het vir Malema en Shivambu ontmoet toe hulle vir een of ander byeenkoms in die Paarl was. Ek is maar net alyd op die regte plek op die regte tyd.

Moet ek nou "two factor authentication" aktiveer noudat ek 'n admin is? As dit nie vir jou uitnodiging was nie, sou ek nooit van die Afrikaanse Wikipedia geweet het nie. Baie dankie vir daai. Groete. Lefcentreright (kontak) 22:09, 18 Julie 2020 (UTC)

Hi Lefcentreright, baie welkom by die groep admins, en dankie vir jou harde werk sover op die Afrikaanse Wikipedia, geniet dit! -- Aliwal2012 17:49, 19 Julie 2020 (UTC)

Ek is baie bly hoe my uitnodiging uitgespeel het! :) Jy kan natuurlik die "two factor authentication" gebruik as dit jou kalmer. Tot dusver maak ek staat op 'n lang wagwoord. Aangesien komende week Botswana lekker op ons voorblad pryk kan jy miskien ook hulle politici insluit. Suid-Afrikaners sal waarskynlik ook belangstel wat daar aangaan. Ek het 'n bietjie probeer om die konflik tussen Ian Khama en sy opvolger Mokgweetsi Masisi te beskryf. Net as jy belangstel en tyd het, natuurlik. ;) Happy Admin, soos die Engelsman sê. Groete. --  SpesBona 21:05, 19 Julie 2020 (UTC)

@SpesBona: Hallo! Ek het sommer vandag twee artikels vertaal: die Nasionale Vergadering van Botswana en die Parlement van Botswana. Ek onthou die konflik tussen Khama en Masisi was massief. Groete. Lefcentreright (kontak) 19:15, 20 Julie 2020 (UTC)

Baie dankie, ek waardeer! Die konflik tussen dié twee is dalk die grootste geskil in die geskiedenis van Botswana, of hoe? Nogal teleurstellend. Groete. --  SpesBona 21:20, 20 Julie 2020 (UTC)

Vertaling uit Engels...

Jan-Hendrik, hierdie artikel moet vertaal word. Sien jy kans asb: [1] Groete! 14:10, 25 Augustus 2020 (UTC)Oesjaar (kontak)

@Oesjaar: Naand, ek het nogal die week daaraan gedink dat hier hopeloos te veel onaktiewe administrateurs op hierdie wikipedia is. Ons moet miskien vra dat die Opsigters (Stewards) die adinistrateurstatus van daardie gebruikers verwyder. Groete!

Ons moet deur 'n proses gaan, eerste stap is beleid, die rede hoekom ek jou om hulp vra. Jy kan die hele dokument ook vertaal as jy wil... Groete! Oesjaar (kontak) 17:52, 26 Augustus 2020 (UTC)

Rooi skakels: SA politieke persone

Jongman, kan jy help met die mense: [2]]... Dit sal baie rooiskakels uitskakel. Grroete! Oesjaar (kontak) 06:12, 31 Augustus 2020 (UTC)

@Oesjaar: Ek sal probeer. Dankie dat oom my hieroor inlig! Groete. Lefcentreright (kontak) 19:18, 1 September 2020 (UTC)

George Bizos

Jan-Hendrik, hierdie persoon is vandag oorlede. Kan jy help met artikeltjie? Groete! Oesjaar (kontak) 18:31, 9 September 2020 (UTC)

Wysigings op Susan Smith bladsy

Hallo Lefcentreright - ek besef nou uit julle bespreking dat ek nie die reels gevolg het deur veranderinge aan te bring op die blad vir my profiel nie. Laat my asseblief weet hoe ek in die toekoms inligting kan oordra. Die inligting wat ek gekry het van hoe veranderinge aangebring en korreksies gemaak word (geboortedatum, bv wat 1958 is en nie 1985 nie) was dus nie korrek nie. Verbruiker: ProfSusanSmith

@ProfSusanSmith: Hallo, professor. As u iets wil verander, plaas 'n boodskap in die besprekingsbladsy van die artikel en "ping" (Sjabloon:ping) dan net vir my of K175 of Dumbassman. Dankie, Lefcentreright (kontak) 08:19, 25 September 2020 (UTC)

Verkeerde terugrol

Hi Lefcentreright!

Jy het die arme IP 105.186.82.163 verkeerdelik teruggerol! Hy was korrek om Wolf by voorblaaie te plaas. Dit sal eers week 50/2020 verskyn. Ek het dit terugeplaas. Groete -- Aliwal2012 14:47, 29 Oktober 2020 (UTC)

@Aliwal2012: Oeps! Groete, Lefcentreright (kontak) 15:45, 29 Oktober 2020 (UTC)

Als reg, ek het eers later gesien hy peuter by Sasol-voëlboek, sy blokkering deur jou is geregverdig! Aliwal2012 16:14, 29 Oktober 2020 (UTC)

Pretoriase burgemeester

Goeienaand Lefcentreright, onthou jy nog toe ek jou oor die stand van sake daar in Pretoria gevra het? Vandag hoor ek die nuus op RSG: Randall Williams is die nuwe burgemeester. Ek het intussen al die betrokke artikels op die Afrikaanse Wikipedia hersien. Aangesien ek in Duitsland sit: Kyk maar of alles reg is. Miskien vind jy tyd om jou Engelse artikel oor mnr. Williams te vertaal? Groete. --  SpesBona 20:45, 30 Oktober 2020 (UTC)

@SpesBona: Hallo. Ek was die naweek vreeslik besig met die DA se leierskapskonferensie. Ek sal kyk of ek miskien hierdie week Williams se artikel en vorige burgemeesters se artikels kan vertaal. Groete! Lefcentreright (kontak) 21:47, 1 November 2020 (UTC)

Ja, John Steenhuisen is nou die amptelike DA-leier. Ek het van die aanlynkonferensie op RSG gehoor. Ek hoop maar net hulle vind hul pad terug! Groete. --  SpesBona 22:49, 1 November 2020 (UTC)

Ontkiemingskompetisie is oop

Hi, die Wikipedia:Ontkiemingskompetisie/2020 is nou oop. Groete, -- Aliwal2012 20:14, 21 Desember 2020 (UTC)

Dis great nuus!! Lefcentreright (kontak) 08:32, 22 Desember 2020 (UTC)

Nog een!

Hi genoot, "another one down": Sisi Ntombela! Groete, -- Aliwal2012 08:42, 29 Desember 2020 (UTC)

Hallo, Aliwal2012. Die artikel lyk baie goed! Groete, Lefcentreright (kontak) 09:20, 29 Desember 2020 (UTC)