Hester Krüger

Hester Krüger (née Coetsee, Bethulie, Oranje-Vrystaat, 24 Desember 1884 – Stellenbosch [waarskynlik], 21 Januarie 1984) was ’n predikantsvrou in die Gereformeerde Kerk. Haar man, dr. I.D. Krüger (1882–1965), met wie sy 54 jaar lank getroud was tot sy dood, was predikant in vyf gemeentes: Aliwal-Noord (1911–1916), Bloemfontein (1916–1923), Potchefstroom (1923–1930), Bloemfontein (1930–1945), Venterstad (1945–1949), Oos-Londen (1949–1954).

Dr. Izak en mev, Hester Krüger by 'n uitstalling van haar kuns in Pretoria.

Die Krügers se grafsteen in die Onder-Papegaaiberg-begraafplaas, Stellenbosch.

Die Gereformeerde kerk Oos-Londen se kerkraad neem in 1954 afskeid van ds. en mev. Krüger.

Reeds in die jaar van huwelik, 1911, is ’n Dorkasvereniging op Aliwal-Noord gestig. Onder haar en haar man se leiding het eindelik ses Dorkasverenigings tot stand gekom. Werkgeselskappe, waarvan die ledetal sowat 30 tot 40 was, het gereeld in die plaaslike pastorie byeengekom. Mev. Krüger het dogters van die gemeente onderrig in handwerk en kunsnaaldwerk gegee en self geskilder.

Gesinslewe

Die egpaar Krüger se dogter Monica was getroud met die appèlregter F. Rumpff, seun van ds. Derk en mev. Femke Rumpff, en Rita met prof. Pieter Verhoef (25 April 1914 – 18 Januarie 2013), hoogleraar aan die Stellenbosse Kweekskool, van 1975 tot 1979 dekaan van die Universiteit Stellenbosch se teologiese fakulteit en lid van die redaksie van die 1983-vertaling van die Afrikaanse Bybel. Uit Verhoef se pen het in 1998 verskyn Ds. I.D. Krüger: Die mens en sy Preke. Nog ’n dogter, Christine Louw, was vroueredaktrise van Die Oosterlig. Daar was ook ’n seun wat sy pa se name gekry het.

Bronne

• (af) Die Gereformeerde Vroueblad. 1959. Die Gereformeerde vrou 1859-1959. Potchefstroom: Potchefstroom Herald.