Poeciliidae

Poeciliidae is 'n vis-familie van die orde Cyprinodontiformes. Die familie bestaan uit twee sub-families: Poeciliinae en Aplocheilichthyinae.

Poeciliidae
Xiphophorus hellerii
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Cyprinodontiformes
Familie:	Poeciliidae Garman, 1895
Subfamilies & Genera
Subfamilie Aplocheilichthyinae Aplocheilichthys Hylopanchax Poropanchax Subfamilie Poeciliinae Alfaro Belonesox Brachyrhaphis Carlhubbsia Cnesterodon Gambusia (Muskietvisse) Girardinus Heterandria Heterophallus Limia Micropoecilia Neoheterandria Pamphorichthys Phallichthys Phalloceros Phalloptychus Phallotorynus Poecilia (Guppies, Mollies) Poeciliopsis Priapella Priapichthys Quintana Rhexipanchax Scolichthys Tomeurus Xenodexia Xenophallus Xiphophorus (Swaarddraers) Subfamilie Procatopodinae Fluviphylax Hypsopanchax Lacustricola Lamprichthys Micropanchax Pantanodon Plataplochilus Platypanchax Procatopus Pseudopoecilia

Poeciliinae

Hierdie subfamilie is inheems aan Sentraal- en Suid-Amerika en is lewendbarend. Die mannetjie se anale vin is vervorm tot 'n gonopodium. Die meeste van die spesies in die subfamilie is gewilde akwariumvisse en is per ongeluk in Suider-Afrikaanse waters losgelaat. Sommige spesies is ook ingevoer as natuurlike plaagbeheer.

Genera

Die volgende genera en gepaardgaande spesies is deel van die subfamilie en kom in Suider-Afrika voor:

• Gambusia

• Gambusia affinis - Muskietvis

• Phalloceros

• Phalloceros caudimaculatus - Kolstert-muskietvis

• Poecilia

• Poecilia reticulata - Guppie

• Xiphophorus

• Xiphophorus helleri - Swaarddraer

Aplocheilichthyinae

Aplocheilichthyinae bevat agt of nege genera waarvan twee in Suider-Afrika voorkom. Aplocheilichthyinae staan ook bekend as die Lampogies. Die vissies is oor die algemeen klein en hulle leef oorwegend in vlak water met plantegroei en vreet klein organismes wat aan die oppervlak voorkom. Die mond maak na boontoe oop en die sylyn strek net oor die kop. Die mannetjies het langer vinne as die wyfies en is meer kleurryk; tog is dit steeds moeilik om onderskeid tussen die geslagte te tref. Die visse se eiers kan nie verdroging oorleef nie. Party spesies is ook gewilde akwariumvisse en word ook gebruik vir beheer van muskietlarwes.

Genera

Die volgende genera en gepaardgaande spesies is deel van die subfamilie en kom in Suider-Afrika voor:

• Aplocheilichthys

• Aplocheilichthys hutereaui - Tralielampogie
• Aplocheilichthys johnstoni - Johnston se lampogie
• Aplocheilichthys katangae - Streeplampogie
• Aplocheilichthys macrurus - Witogie
• Aplocheilichthys myaposae - Natalse lampogie

• Hypsopanchax

• Hypsopanchax jubbi - Suidelike dieplyf-kuilvissie

Sien ook

• Froese, Rainer, en Daniel Pauly, eds. (2004). "Poeciliidae" in FishBase. Oktober 2004-weergawe.
• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1