Streepkol-bokvis

Die Streepkol-bokvis (Parupeneus barberinus) is 'n vis wat in die Indiese-Pasifiese area voorkom, en aan die ooskus van Afrika vanaf Oman tot by Mosselbaai alhoewel hulle maar min suid van KwaZulu-Natal gesien word. In Engels staan die vis bekend as die Dash-dot goatfish.

Streepkol-bokvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Mullidae
Genus:	Parupeneus
Spesie:	P. barberinus
Binomiale naam
Parupeneus barberinus (Lacépède, 1801)

Identifikasie

Die vis het 'n swart streep van voor die snoet, verby die oog en al langs die sylyn tot verby die dorsale vin se basis. Daar is 'n swart vlek op die sylyn by die stertvin se basis. Die anale en bekkenvinne is gelerig en die ander vinne is meer witkleurig. In die nag lyk die vis bleekwit. Die vis word tot 53 cm groot.

Habitat

Die vis leef in seegrasbeddings of op sanderige bodems of koraalreste. Hulle kom in pare voor en is daglewend en vreet hoofsaaklik skaaldiere.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Parupeneus-barberinus.html