Russell se snapper

Russell se snapper (Lutjanus russellii) is 'n vis wat voorkom in die Indiese-Pasifiese area, die Rooisee en aan die ooskus van Afrika vanaf die Persiese Golf tot by Durban. In Engels staan die vis bekend as Russel's snapper.

Russell se snapper
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Percoidei
Familie:	Lutjanidae
Genus:	Lutjanus (Bloch, 1790)
Spesie:	L. russellii
Binomiale naam
Lutjanus russellii (Bleeker, 1849)
Sinonieme
Lutianus nishikawae (Smith & Pope, 1906)

Voorkoms

Die vis is geelbruin aan die bokant en geel of pienk aan die onderkant. Daar is 'n ovaalvormige swart kol op die lyf net bo die sylyn en onder die agterste gedeelte van die dorsale vin. Daar is 7-8 goudbruin horisontale strepe oor die lyf vanaf die kop tot voor die basis van die stertvin. Die vis word tot 45 cm lank.

Habitat

Die vis leef in koraal- en rotsriwwe in water wat 3–80 m diep is. Die onvolwasse vissies leef in getypoele en wortelboom areas. Hulle vreet skaaldiere, hoofsaaklik krappe. Hulle leef in klein skole en broei gedurende die somer. Die vis kan oorleef in groot akwariums.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://www.fishbase.org/summary/Lutjanus-russellii.html