Scyliorhinidae

Die Kathaaie (Scyliorhinidae) is 'n kraakbeenvis-familie wat hoort tot die orde Carcharhiniformes. Daar is sewentien genera met meer as 100 spesies wat hoort tot dié familie, sestien van die spesies kom aan die Suid-Afrikaanse kus voor waarvan elf endemies is.

Scyliorhinidae
'n Kleingevlekte kathaai (Scyliorhinus canicula)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Klas:	Chondrichthyes
Subklas:	Elasmobranchii
Orde:	Carcharhiniformes
Familie:	Scyliorhinidae T. N. Gill, 1862
Genera
Sien teks.

Kenmerke

'n Eierkapsule, bekend as 'n meermin- of haaibeursie.

Die familie het twee dorsale vinne en die onderste lob van die stertvin is baie klein en het vyf kieue splete. Die meeste spesies is ovipaar en die grootte wissel van 30 cm tot 1.6 m. Hulle word gewoonlik op of naby die bodem gevind tot op dieptes van 2 000 m. Die haaie is redelik klein en nie baie vinnig nie. Hulle vermy warmer waters.

Genera

Die volgende genera en spesies kom aan die Suid-Afrikaanse kus voor:

• Halaelurus

• Halaelurus lineatus - Band-kathaai
• Halaelurus natalensis -Tierkathaai

• Haploblepharus

• Haploblepharus edwardsii - Pofadder-skaamooghaai
• Haploblepharus pictus - Donkerskaamooghaai

• Poroderma

• Poroderma africanum - Streephaai
• Poroderma pantherinum - Luiperd-kathaai

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7