Slangblennie

Die Slangblennie (Xiphasia setifer) is 'n vis wat voorkom in die Indiese-Pasifiese area, die Rooisee en aan die ooskus van Afrika vanaf Oman tot by Valsbaai. In Engels staan die vis bekend as die Snake blenny.

Slangblennie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Blenniidae
Genus:	Xiphasia
Spesie:	X. setifer
Binomiale naam
Xiphasia setifer Swainson, 1839

Voorkoms

Die vis is plat en lank; dit word tot 60 cm lank. Die dorsale vin is ook lank, dit begin by 'n volwasse vis by die oë en die anale vin is ook lank. Die dorsale en anale vinne kom bymekaar by die stertvin wat amper soos 'n lang stukkie tou lyk. Die vis het 'n sylyn. Die mond is vol tande. Die lyf is bruin van kleur met 20 - 28 breë donker, horisontale strepe wat van die dorsale vin tot op die sye strek. Daar is 'n oogvormige kol op rant en aan die voorkant van die dorsale vin.

Habitat

Die vis leef in modderige of sanderige bodems tot op dieptes van 54 m en vreet skaaldiere, skubbe, wurms en detritus.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Xiphasia-setifer.html