Wikipedia

Al-Fatiha

(Aangestuur vanaf Soera 1)

Al-Fâtiha (Arabies: الْفَاتِحَة, "Die Aanhef") is die 1ste soera, of hoofstuk, van die Koran. Dit bevat sewe ajat, of verse, wat 'n gebed vir leiding en genade is.[1]

الْفَاتِحَة
  Soera 1 van die Koran  
Klassifikasie Mekkaans
In Arabies Al-Fâtiha
Transliterasie Al-Fatiha, Al-Fatiga
In Afrikaans "Die Aanhef"
Deel 1
Ajat 7

Al-Fatiha word opgesê in Moslemse verpligte en vrywillige gebede, bekend as salaah.

Moslems beskou nie die opskrifte van die Koran se hoofstukke as deel van die goddelike openbaring nie.[2] Die primêre letterlike betekenis van die uitdrukking "Al-Fatiha"[3] is "Die Aanhef", wat kan verwys na die soera as die eerste hoofstuk van die Koran, die eerste hoofstuk wat ten volle opgesê word in elke rakah van salaah, of as opening in baie funksies in die Islamitiese lewe.

Sommige Moslems vertolk dit as 'n geïmpliseerde vermoë van die soera om 'n persoon ontvanklik te maak vir geloof in God.


Opskrifte van Al-Fatiha en hoofstuk 2, Al-Baqara. Uit die Koran van Ibn al-Bawwab. Bagdad. Chester Beatty-biblioteek.

Opsomming

wysig

Die soera Al-Fatiha word volgens die Hadit opgedeel in twee helftes tussen Allah en die gelowige (die persoon wat dit opsê). Die eerste drie verse is Sy helfte en die laaste drie die gelowige s'n.[4] Daar is verskille oor of die Basmala die eerste vers van die soera of enigsins 'n vers is.[5]

Die hoofstuk begin deur God te prys met die frase Alhamdulillah, en die stelling dat alle lof Allah toekom (vers 1/2),[6] dat hy Ar-Rahman Ar-Rahim of die Barmhartige, die Genadige is (vers 2/3),[7] en dat hy die Meester van die Oordeelsdag is (vers 3/4).[8]

Die laaste drie verse, wat die gelowige s'n is, begin met die gelowige se stelling dat hy net Allah aanbid en Sy hulp soek (vers 4/5), en die versoek dat hy die gelowige lei op die regte pad (Sirat al-Mustaqim) van dié aan wie God Sy guns bewys het en nie dié van hulle wat afgedwaal het nie (verse 5-6/6-7).[9]

Sommige Moslemse kommentators glo Jode en Christene is voorbeelde van dié wat afgedwaal het.[10][11] Ander glo die verse verwys na mense in die algemeen en nie na 'n spesifieke groep nie.[12][13]

Verwysings

wysig
  1. ↑ Maududi, Sayyid Abul Ala. Tafhim Al Quran. Geargiveer vanaf die oorspronklike op 28 Julie 2013. Besoek op 17 Junie 2013.
  2. ↑ Nevin Reda Geargiveer 14 Augustus 2020 op Wayback Machine, Introduction to the Quran in Three Testaments: Torah, Gospel and Quran (Plymouth: Rowman and Littlefield, 2012)
  3. ↑ Sheikh, Irfan. "Ala Hazrat Fatiha Ka Tarika In Hindi Mein फातिहा का तरीका हिंदी". Irfani-Islam - इस्लाम की पूरी मालूमात हिन्दी. Besoek op 16 Februarie 2022.
  4. ↑ Ibn al-Hajjaj, Abul Hussain Muslim (2007). Sahih Muslim - 7 Volumes. Vol. 1. Darussalam. pp. 501–503. ISBN 978-9960991900.
  5. ↑ Mubarakpuri, Safiur Rahman (2000). Tafsir Ibn Kathir (10 Volumes; Abridged). Darussalam. p. 25. ISBN 9781591440208.
  6. ↑ Mubarakpuri, Safiur Rahman (2000). Tafsir Ibn Kathir (10 Volumes; Abridged). Darussalam. pp. 33–37. ISBN 9781591440208.
  7. ↑ Mubarakpuri, Safiur Rahman (2000). Tafsir Ibn Kathir (10 Volumes; Abridged). Darussalam. pp. 30–33, 37. ISBN 9781591440208.
  8. ↑ Mubarakpuri, Safiur Rahman (2000). Tafsir Ibn Kathir (10 Volumes; Abridged). Darussalam. pp. 39–42. ISBN 9781591440208.
  9. ↑ Mubarakpuri, Safiur Rahman (2000). Tafsir Ibn Kathir (10 Volumes; Abridged). Darussalam. pp. 42–55. ISBN 9781591440208.
  10. ↑ Leaman, Oliver (2006). Leaman, Oliver (red.). The Qur'an: an Encyclopedia. Routledge. p. 614. ISBN 0-415-32639-7. Geargiveer vanaf die oorspronklike op 28 Maart 2021. Besoek op 5 November 2020. The Prophet interpreted those who incurred God's wrath as the Jews and the misguided as the Christians.
  11. ↑ Ayoub, Mahmoud M. (Januarie 1984). The Qur'an and Its Interpreters: v.1: Vol 1. State University of New York Press. p. 49. ISBN 978-0873957274. Geargiveer vanaf die oorspronklike op 28 Maart 2021. Besoek op 5 November 2020. Most commentators have included the Jews among those who have "incurred" divine wrath and the Christians among those who have "gone astray".(Tabari, I, pp. 185-195; Zamakhshari, I, p. 71)
  12. ↑ Asad, Muhammad. The Message of the Quran, Commentary on Surah Fatiha (PDF). pp. 23–24. Geargiveer (PDF) vanaf die oorspronklike op 26 November 2019. Besoek op 13 Desember 2019.
  13. ↑ Ali, Abdullah Yusuf (2006). The Meaning of The Noble Qur'an, Commentary on al-Fatiha (PDF). p. 7. Geargiveer vanaf die oorspronklike (PDF) op 12 Maart 2017. Besoek op 6 November 2022.

Skakels

wysig
Vorige soera:
— 		Die Koran Volgende soera:
Al-Ba'karah
Soera Al-Fatiha

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114

Ontsluit van "https://af.wikipedia.org/w/index.php?title=Al-Fatiha&oldid=2678358"