Swartkol-kurper

Die Swartkol-kurper (Microctenopoma intermedium) is 'n varswatervis wat voorkom in die Okavangorivier, die boonste en onderste gedeeltes van die Zambezirivier, St. Lucia en die suidelike sytakke van die Kongorivier. In Engels staan die vis bekend as die Blackspot climbing perch.

Swartkol-kurper
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Anabantidae
Genus:	Microctenopoma
Spesie:	M. intermedium
Binomiale naam
Microctenopoma intermedium (Pellegrin, 1920)

Voorkoms

Die vis het 'n elipsvormige lyf met 'n gepunte kop en 'n klein bek. In die bek is skerp, konies gevormde tande. Die vis is normaalweg donkerbruin of swart en daar is donker strepe wat uitstraal van die oë. Op die lyf is 7 -1 3 donker, vertikale bane met 'n swart kol op die basis van die stertvin. Daar is wit strepe in die dorsale en anale vinne. Mannetjies wat broei word pers met donker strepe. Die vis word 55 mm lank.

Habitat

Die vis leef in vlak water in redelike digte plantegroei van riviere, mere en kanale van moerasse en vloedvlaktes. Hulle vreet insekte en ander klein organismes. Die mannetjies bou 'n nes vol lugborrels wat op die water se oppervlak dryf waaronder hulle paar. Die eiers dryf en word in die nes bewaar deur die mannetjie.

Sien ook

• Alfabetiese lys van visse
• Kurper
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• Fishbase - Microctenopoma intermedium

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1