Gebruikerbespreking:Morne/argief 1

2006-2010

Welkom, Morne!

Ek hoop jy geniet jou aktiwiteite hierso. Sommer 'n vinnige wenk met die intrapslag: ons maak nie gewoonlik artikels van individuale dae in die geskiedenis nie, anders verdwyn dit tussen al die artikels. Skuif byvoorbeeld gerus die inskrywing by 27 April 1885 na 27 April onder die opskrif "Geboortes". Weereens welkom! --Alias 22:05, 26 Februarie 2006 (UTC)

Regso, Morné. 10 000 is definitief in die vooruitsig (moet net eers 5000 haal :-). Hou gerus dop as ander ná jou aan jou artikels skaaf - so sien mens ook wat bietjie anders gedoen kan word. Jou "dophoulys" kan hiermee help. Ook die "Onlangse wysigings" gee heelwat geleentheid om te leer. Ag, daar is baie raad en goeters te sê. As inleiding verwys ons mense gewoonlik na Wikipedia:Welkom nuwelinge, maar miskien het jy alreeds daarna gekyk. Mens raak redelik vinnig touwys - moenie dat dit jou kwel nie. --Alias 22:33, 26 Februarie 2006 (UTC)

O ja, vergeet om te sê, afgesien van 27 April kan mens natuurlik ook 'n inskrywing maak by 1885. Gebruiker:Voyageur het reeds een van jou inskrywings by 1852 gedupliseer. Só verbind ons die artikels lekker met mekaar. --Alias 22:35, 26 Februarie 2006 (UTC)

Meesterredigeerder IV (10 jaar, 74 900+)

Simonstad

Hi Morne, ek wil jou help met die Simonstad aangeleentheid, maar kry nie die verkeerd gespelde artikel waarna jy verwys nie. Vermoedelik moet jy die skuiffunksie gebruik. As jy 'n skakel hier of op my besprekingsblad los sal ek weer kyk. Laurens 07:33, 28 Februarie 2006 (UTC)

Morné, wysig gerus die bladsy. Jy kan "wysig" bo-aan die bladsy gebruik, of die toepaslike "wysig"-skakel bo-aan die afdeling. Aangesien die artikel nie bestaan nie (die skakel is rooi) kan mens dit net verander. --Alias 08:44, 28 Februarie 2006 (UTC)

Ek sien Voyageur het dit reeds gedoen --Alias 08:47, 28 Februarie 2006 (UTC)

Volsinne

Haai Morne, goed om jou weer aan die werk te sien! Gebruik gerus volsinne in jou artikels - sien gerus wat ek pas by Aberdeen gedoen het. Lekker werk! --Alias 22:32, 4 Maart 2006 (UTC)

Inleidingsparagrawe

Hallo daar...

Ek sien jy werk hard daaraan om seker te maak dat Suid-Afrika goed verteenwoordig is in die Afrikaanse Wikipedia. As ek jou egter 'n groot guns kan vra, gaan loer bietjie rond by [Wikipedia:Guide_to_layout], veral die deeltjie oor die inleidingsparagrawe. Jy is geneig om baie kortaf en onensiklopediese sinne te gebruik wat nogal baie werk vir die ander redigeerders skep. Ek is wel dankbaar vir jou hardewerk, maar onthou: ons konsentreer op kwaliteit, nie kwantiteit nie. Anrie 20:40, 12 April 2007 (UTC)

Kaarte

Haai Morne,

Ek weet nie of jy dit besef nie, maar dit word oor die algemeen vereis dat, wanner 'n beeld gelaai word, daar in die opsomming gesê word waar dit vandaan is en of dit wel in die publieke domein is. Ek besef dat daar talle beelde op die Afrikaanse Wikipedia is wat nie aan die vereiste voldoen nie, maar ek sien jy is besig om 'n aantal op te laai en wil net seker maak dat jy bewus is van hierdie beleid. Anrie 21:28, 13 April 2007 (UTC)

Kopieregetikette van beelde

Haai Morné,

Ek sien jy gebruik steeds nie etikette vir die beelde wat jy oplaai nie. Ek wil jou graag versoek om telkens 'n draai te gaan maak by Wikipedia:Kopieregetikette vir beelde en die korrekte etiketsjabloon by te voeg. (Selfs al bestaan die sjabloon nie, kan jy steeds die verwysing byvoeg, wanneer die sjabloon dan wel geskep word, sal die blad outomaties opdateer.)

Ons probeer om weg te beweeg van beelde met geen etikette nie, sodat die Afrikaanse Wikipedia, wat die wet betref, nie oortree nie.

As jy voel dat daar nie 'n spesifieke sjabloon is wat by 'n beeld pas nie, noem dit gerus op die besprekingsblad, dan sal ek iets aan die saak probeer doen. Anrie 10:22, 22 April 2007 (UTC)

Ek sien by Beeld:Torch.jpg dat jy die sjabloon {{PD-oud}} gebruik het. Dit kan tog nie korrek wees nie? Daar is nog nie eers honderd jaar verby sedert die neem van die foto nie (1956), om nie eers te praat van die leeftyd van die fotograaf nie.

Wil jy nie ook so gaaf wees om asseblief telkens 'n kort beskrywing van die foto te gee tydens die oplaai daarvan nie? Slegs 'n paar woorde sal voldoende wees... Volgens beleid sou die opsomming ook die naam van die fotograaf en die bron waar jy die foto vandaan gekry het moet insluit, maar ek dink 'n paar woorde wat verduidelik wat op die foto gebeur is darem 'n minimum vereiste. Anrie 08:53, 29 April 2007 (UTC)

Ek wil nie hê dit moet klink asof ek op jou pik nie, maar dis juis omdat jy so 'n groot bydrae to die Afrikaanse Wikipedia lewer dat ek voel die reëls moet tot die letter gevolg word. Ek moet erken, die feit dat jy altyd jou bronne weergee word baie waardeer. Anrie 08:57, 29 April 2007 (UTC)

Verskuiwing van artikels

Haai Morné,

Aangaande Alan Paton, in die vervolg hoef jy slegs die artikel te "skuif" (bo-links, langs geskiedenis), dan word alles sommer outomaties na die nuwe bladsy geskuif en hoef jy nie self die inligting oor te kopieër nie. Sodoende word dan ook die redigeringsgeskiedenis saam geskuif. Jy het dan ook die opsie om te kies dat die ou blad na die nuwe een verwys. Anrie 09:58, 27 April 2007 (UTC)

Colin Eglin.jpg

Dis weer ekke...

Is jy seker oor die etiket wat jy by die beeld gevoeg het? Om te sê dat die werk geen oorspronklike outeurskap bevat nie klink nie reg nie: iemand moes tog die foto van hom geneem het? Anrie 10:02, 27 April 2007 (UTC)

Die foto is deur ene Eckley Dykman geneem, maar is gereproduseer in die eerste uitgawe "Amptelike Jaarboek van die Republiek van Suid-Afrika", waarin geen melding van kopiereg op die boek self gemaak word nie. Die foto is ook wyd gebruik in verkiesingsveldtogte van die PP en in baie media gereproduseer. Wat is dan die regte etiket? Morne 10:26, 27 April 2007 (UTC)

Ek stel voor dat jy die sjabloon {{Promosiefoto}} gebruik. Ek besef dat die foto miskien wel geen kopiereg het nie, maar ek dink dis onwaarskynlik. Dit lyk vir my soos 'n promosiefoto, dus dink ek behoort die promosiefotosjabloon enige besware te dek. Anrie 10:39, 27 April 2007 (UTC)

Ek het pas op hierdie sjabloon afgekom. Dink jy dat dit miskien beter sal pas? Anrie 14:06, 27 April 2007 (UTC)

Artikelname van persone

Raai wie?

Die gebruik is om slegs die voornaam van 'n persoon en sy van te gebruik by 'n persoon en nie al sy name nie [1] [2], tensy dit teenstrydig is met die naam waaronder hy bekend was, byvoorbeeld D.F. Malan en Michael J. Fox. Jy kan dan aanstuurbladsy maak van die vollengte naam, indien jy verkies. Ek noem dit net omdat ek sien dat jy nou al 'n aantal artikels geskep het wat meer as net die eerste naam of noemnaam gebruik. Anrie 13:12, 27 April 2007 (UTC)

Hey oom

Waar het oom al die inligting oor Hoërskool Strand gekry? ► Adriaan ( Spreek ♥ Bydraes ) ♪♫ 18:07, 5 Mei 2007 (UTC)

Oh ok, baie dankie vir die spoedige reply, oom :P ► Adriaan ( Spreek ♥ Bydraes ) ♪♫ 18:20, 5 Mei 2007 (UTC)

Sjabloon:Delete

Haai Morné,

As jy die sjabloon gebruik meld dit asseblief ook in die opsomming van jou wysiging (saam met jou rede); sodoende kan daar in die wysigingsgeskiedenis gesien word wanneer die sjabloon toegevoeg is. Anrie 14:45, 7 Mei 2007 (UTC)

Kategorisering

Haai Morné.

Hoekom het jy artikels soos Homoseksualiteit en Biseksualiteit onder sielkunde gekategoriseer? 'n Beter opsie (naas die "seks"-kategorie) sou tog Biologie wees, aangesien dit nie "in mens se kop" is nie, maar in die gene en ook onder nie-menslike skepsels voorkom. Anrie 15:35, 14 Mei 2007 (UTC)

Onder die hofie "Theories" in "Man's Body - An Owner's Manual" (sien by bronne by Masturbasie ens.) skryf die skrywers die sielkundige "oorsake" van homoseksualiteit is belangriker as die fisiologiese. (Vandaar die ou benaming "seksuele voorkeur" pleks van die huidige "oriëntering".) Baie mense het die toestande ook al as sielkundige "afwykings" deur middel van psigoanalise of gedragsterapie en "weersinsterapie" probeer behandel. Dan is daar ook die debat oor of die toestande biologies deur gene aangebring word of sielkundig deur omstandighede. Die huidige houding blyk te wees dit is dikwels 'n kombinasie van die twee, dus kan die artikels natuurlik ook onder biologie val. Morne 15:43, 14 Mei 2007 (UTC)

Hoe kan die gay-"siekte" geneties oorgedra word? As gay mense dan nie kinders kry nie, sal die gay-geen aan die begin van die skepping al uitgesterf het. En al kry gay mense kinders, sal die geen tog so onderdruk word dat dit geen effek op die mensdom sal hê nie. Ek sou gedink het Natural Selection sou al lank al die ongepaste gay-geen (wat duidelik geen nut dien nie) uitgefaseer het. Ek is so bietjie verward nou. ► Adriaan ( Spreek ★ Bydraes ) ♪♫ 16:46, 18 Mei 2007 (UTC)

Soedanese literatuur

Please see Wikipedia:Geselshoekie#MT and give your opinion. From what I could understand from the talk page, you are not pro. I don't mind either way, it is up to the users of this Wikipedia to decide and I'd like to hear arguments both ways. Thanks :) - Francis Tyers 15:55, 18 Mei 2007 (UTC)

Re

Shame, ek wil nie die lewe vir jou moeiliker maak nie, maar jy sal moet leer om nie alles so ernstig op te neem nie. Netnou kry jy 'n beroerte of iets van al die stres. Chill net. ► Adriaan ( Spreek ★ Bydraes ) ♪♫ 17:18, 18 Mei 2007 (UTC)

Ok ek vra om verskoning. ► Adriaan ( Spreek ★ Bydraes ) ♪♫ 17:56, 18 Mei 2007 (UTC)

kommentaar

'n IP-adres het jou en my kommentaar in die Geselshoekie uitgevee. Ek het dit teruggerol, want IP-adresse mag dit nie doen nie. As dit jy was, of jy wil die kommentaar wel uitgevee hê, is jy welkom om dit te delete, maar 'n plekhouer te laat, soos [kommentaar deur Morné verwyder] en daarby te teken. Dan lyk my antwoord ten minste nie asof dit uit die bloute kom nie. Anrie 05:22, 21 Mei 2007 (UTC)

Silwermyn-natuurreservaat

Haai Morné,

Ek sien daar is vroeër die maand 'n paar oepsies aangaande die skuif van die bogenoemde artikel gewees. Ek weet dit was langerig gelede, maar ek wil net doodseker maak dat jy nou wel weet om nie slegs artikelinhoud te knip en te plak soos jy in die geval gedoen het nie - die huidige artikel weerspieël ongelukkig nie meer die gehele wysigingsgeskiedenis nie. Soos ek sê, ek sien dat twee weke terug was en dat jy tien teen een dit nou weet, maar wou net seker maak. Anrie 14:24, 26 Mei 2007 (UTC)

Nie-vrye beelde

Haai Morné,

Moet asseblief nie nie-vrye beelde oplaai nie, selfs al dink jy dat geregverdig is. Ek sien jy gebruik telkens die Engelse sjabloon, maar ons het juis nie 'n Afrikaanse een nie, aangesien dit nie eintlik hier toegelaat word nie.

Hierdie skakels [3], [4] kan jou help verstaan hoekom ek so hierop hamer. Daar was ook algemene konsensus verkry uit die gemeenskap toe die beleid aangekondig is [5], dat ons aan die eerder veilig wil speel en slegs vrye beelde gebruik.

As jy jou CD-omslae gebruik dan gaan Adriaan sê dat sy CD-omslae ook geregverdig is, dan sê iemand weer dat hierdie prentjie gereverdig is en dan hierdie een... Om te sê dat slegs nie-vrye beelde gebruik kan word is 'n baie duidelike beleid wat nie misgeïnterpreteer kan word nie. Anrie 06:34, 29 Mei 2007 (UTC)

Weer ekke, ek besef dat die kopieregstorie jou omkrap, maar ek vra dat jy probeer besef hoekom ons die net nie kan aanvaar nie. Ek het nou 'n paar beelde, wat deur jou opgelaai is, as kopieregskendings gemerk:

• Beeld:Cesare Valletti3.jpg
• Beeld:Cesare Valletti2.jpg
• Beeld:Jeff Stryker original.jpg
• Beeld:Stryker-force.jpg

Kan jy miskien ook asseblief 'n bron verskaf vir Beeld:BJ Vorster.jpg? Ek vind slegs die Engelse Wikipedia een, wat ook nie melding van 'n bron maak nie. 'n Geldige bron is noodsaaklik om te kan verifieer dat die foto wel die eiendom is van die Suid-Afrikaanse Regering (soos die Engelse weergawe beweer). Die engelse blad beweer ook dat werk deur die SA regering in die publieke domein is - weet jy iets daarvan af? Ek kon dit nie op hul webwerf sien nie en dit sal moet bevestig kan word voor ons dit as sulks kan aanvaar. Anrie 13:44, 30 Mei 2007 (UTC)

Verwysing by Melindi Charle

Haai Morne,

Dankie dat jy die verwysing bygevoeg het - ek glo jy kan verstaan hoekom verwysings by biografieë oor lewendige persone uiters noodsaaklik is, veral as die biografie na hulle as "iets" verwys (of dit nou SA se Marilyn Monroe is of SA se beste rugbyspeler of die lelikste man in Saldanhabaai, ens.). Anrie 06:30, 1 Junie 2007 (UTC)

Hoe sit 'n mens 'n verwysing binne-in 'n artikel? Is dit <ref> en sluit met <ref> ? En moet ek dan ==Verwysings== onderaan tik en weer <ref> ? Ta. </ref>

Gebruik gewoonweg <ref>Verwysing</ref>. Onderaan ==Verwysings==, kan jy dan {{reflist}} gebruik, wat al die verwysings sal nommer en onder mekaar plaas.. Anrie 06:53, 1 Junie 2007 (UTC)

Sokker vandalisme

Dankie dat jy die vandalisme by "Sokker" teruggerol het. Probeer om asseblief dit ook by die opsomming te voeg, soos "Wysigings deur 82.171.189.76 teruggerol - vandalisme", of iets soortgelyks. Anrie 09:47, 2 Junie 2007 (UTC)

Ek sien jy het dit weer by Armeense volksmoord gedoen (die vandalisme teruggerol, bedoel ek), baie dankie. Ek weet nie of jy miskien nie hierdie boodskap nie gesien het nie, dus vra ek jou maar weer om asseblief wysigingsopsommings by te voeg, veral met die terugrolling van artikels en die toevoeging van sjablone. Anrie 02:55, 12 Junie 2007 (UTC)

Stemmery - hansjoseph

Ek het jou wysigings by die stem-bladsy teruggerol. Ek dink nie dis reg om ander mense se stemme te copy en te paste nie. Ek het hansjoseph wel gekontak en gevra om sy stem daar te kom plaas (jy kan vir hom nog 'n boodskap stuur as jy dit nodig ag). Ons sal nie die stemme tel voor syne nie daar is nie, noudat ons weet hy het ook 'n opinie, so jy hoef nie daaroor te bekommer nie. Anrie 07:00, 3 Junie 2007 (UTC)

Re: Vandalisme by Paris Hilton

Ja, ek stem saam. Hoe lig ons 'n admin oor die gebruiker in? ► Adriaan ( Spreek ★ Bydraes ) ♪♫ 18:49, 7 Junie 2007 (UTC)

Sien my antwoord by Adriaan se besprekingsblad, asb. Anrie 18:53, 7 Junie 2007 (UTC)

Wysigings van ander gebruikers se kommentaar

Haai, Morné

Moet asseblief nie ander gebruikers se kommentaar wysig soos jy hier en ook hier gedoen het nie, mits hulle jou gevra het om dit te doen (en dan moet jy dit uitdruklik in die opsomming meld). Dit is tog vanselfsprekend dat die wysiging van ander gebruikers se besprekings nie toelaatbaar kan wees nie, mits dit vandalisme van een of ander aard is. Ons verwag nie van gebruikers om so korrek en net in hulle besprekings as in hulle artikels te wees nie. Anrie 19:14, 7 Junie 2007 (UTC)

Mense lees mekaar se kommentaar, mense sien "was gebore", "onmiddelik", "vir vyf jaar", "interesant" en "meewarrig" en iewers in hulle onderbewuste registreer dit dat dit reg is. Dan spoel dit oor na artikels, waar "onmiddelik" ewe gereeld voorkom. Onderaan dié blad, terwyl ek dit sit en wysig, staan daar: "Enigiets op Wikipedia mag genadeloos gewysig word; indien u dit nie met u bydrae wil toelaat nie, moenie dit hier bylas nie." Met enigiets verstaan ek "enigiets". Morne 19:26, 7 Junie 2007 (UTC)

Ja, Morné, maar mens het darem respek vir ander mense se persoonlike uitings, of dan nie?

As die wysiging van ander se kommentaar toegelaat word, kan dit na die volgende lei:

Ek stem 100% met jou saam en sal nooit weer met jou baklei nie. Morne 19:26, 7 Junie 2007 (UTC)

Sien jy wat ek bedoel? Laat dus asseblief gebruikers se besprekings - as jy sterk daaroor voel kan jy hulle kontak en vra om dit te verander of vra of jy dit mag verander.

Onderaan die blad sê dit ook "Deur enigiets hier te plaas, beloof u dat u dit self geskryf het, of vertaal vanaf 'n teks onder die GFDL, of dat dit gekopieer is vanuit publieke domeinbronne ". Dus, geen "billike gebruik"-beelde nie.

(My punt is dat alles tog in konteks gelees en verstaan moet word). Vandaliste voel ook dat hulle enige iets mag wysig, maar ons rol dan hulle wysigings terug, of hoe? (Nee, ek noem jou nie 'n vandalis nie, ek sê slegs dat sommige wysigings wel onaanvaarbaar is,) Anrie 19:39, 7 Junie 2007 (UTC)

Spelfoute is nie persoonlike uitings nie. Dis foute. As ons die standaard van die hele Afrikaanse Wikipedia wil hoog hou, dink nie enige redelike mens sal beswaar aanteken as ek 'n "l" hier en 'n "e" daar bylas nie. Morne 19:56, 7 Junie 2007 (UTC)

Ek is 'n baie redelike mens en ek teken beswaar aan. Die beleid van die Engelse Wikipedia kyk ook daarop neer. Soos ek dit verstaan verkies Pendoring ook nie dat jy haar besprekings wysig nie. Foute is deel van persoonlike uitings. Ek hou daarvan om gereëld 'n dubbelteken op my tweede "e" te gebruik as ek diwels bedoel, so dis deel van my persoonlikheid, selfs al sien jy dit as 'n fout. Anrie 19:59, 7 Junie 2007 (UTC)

Ek dink nie gebruikerskommentaar moet gewysig word nie. Indien dit gewysig word, is dit nie meer kommentaar nie en moet die parafering van die inisiële gebruiker ook verwyder word. Ongeag van hoe hierdie bespreking gaan eindig, moet asseblief nie my kommentaar wysig nie. ► Adriaan ( Spreek ★ Bydraes ) ♪♫ 20:18, 7 Junie 2007 (UTC)

Oh nee, haha. Ek het nie eens geweet daar bestaan nie só 'n woord nie. Ek gebruik dit nog altyd ; ) ► Adriaan ( Spreek ★ Bydraes ) ♪♫ 08:53, 8 Junie 2007 (UTC)

Shanel

Dankie, Morné, selfde fout op Alias en Shanel se gebruikerblad. Ek is ook 'n koerantsub, maar ons gaan nog so sit en sukkel met dubbel elle en Wikimedia vs Wikipedia dan ruk iemand ons hele dam onder ons uit. Kan gevaarlik wees. Pendoring 19:15, 7 Junie 2007 (UTC)

Hoe meen jy nou. Ek het maar net 'n foutjie gesien en dit reggestel. Ek stem wel saam met die dam-storie. Van die begin af wou ek net die projek voorkant toe vat (deur honderde artikels te skep), toe het daar so baie "kritiek" teen my oor dit en dat en ander fieterjasies gekom, dat ek nou maar met saans 'n rukkie hier sit en saamklets oor fieterjasies - hoofsaaklik omdat ek nie graag TV kyk nie. Morne 19:21, 7 Junie 2007 (UTC)

Ek weet jy probeer my uitlok, maar ek gaan nie jou tikfout in die voorafgaande paragraaf regmaak nie. Ek is lus en verander my gebruikernaam so af en toe, sodat niemand 'n te persoonlike opinie oor my kan vorm nie. Hou my dop... Pendoring 19:40, 7 Junie 2007 (UTC)

Oplaai van beelde

Haai, Morné

Om die onderwerp bietjie te verander.... Rakende die beelde wat jy pas opgelaai het, sien asseblief die Sjabloon:Beeldinligting wat ek geskep het. Jy is nie verplig om die sjabloon self te gebruik nie, maar daar word verwag dat jy die inligting noem waarna die sjabloon verwys. Jou beelde besit tans geen inligting oor die inhoud daarvan nie - beelde bestaan onafhanklik van die artikels waarin hulle gebruik word, dus is dit belangrik om enige relevante inligting ook asseblief daar by te voeg. Anrie 20:02, 7 Junie 2007 (UTC)

Beeld:Nelson en Winnie.jpg

Haai Morné,

Na 'n gewik- en wegery het ek maar besluit om jou te kontak: ek weet nie of jy verkies dat ek jou kontak rakende probleme met beeldbronne en lisensiëring nie en of dit voldoende is om dit slegs op die beeld se besprekingsblad te noem nie? Gewoonlik kontak ek jou maar slegs as ek nie self kan bepaal watter bron jy die beeld van af gekry het nie. In die geval neem ek aan dat jy die bron van die Franse Wikipedia gekry het?

Wikipedia (en ook anderstalige Wikipedias) geld nie as 'n geldige bron vir beelde en artikels vir Wikipedia nie, siende dat so 'n bietjie is asof mens mensself aanhaal. Natuurlik is daar talle beelde wat nuut geskep word en dan na 'n sekere Wikipedia opgelaai word. In so 'n geval is dit dan nuttig om te noem dat die oorpronklik beeld na waarookal dan opgelaai is. Skakels na beelde by ander Wikipedias kan só gedoen word: fr:Image:Nelson&Winnie.jpg, waar "fr" in die geval die kode vir die Franse Wikipedia is. Let ook asseblief op die dubbelpunt wat vooraan geplaas is, dit voorkom dat die beeld self wys en verskaf dus slegs 'n skakel.

In elk geval, in hierdie geval is dit heel duidelik nie 'n nuutgeskepde beeld deur 'n gebruiker van die Franse Wikipedia nie en het die oplaaier ook nagelaat om 'n geldige bron te noem. Ek het die internet deursoek en die enigste ander plek waar ek die beeld kon vind was by dié Mieliestronk-artikel. Ek sal my bes probeer om 'n tydjie te maak en vir die skepper van die werf 'n e-pos stuur om te vra waar hy dan die beeld vandaan gekry het.

Ek hoop jy kan verstaan hoekom die bron van 'n beeld uiters noodsaaklik is: die stand van enige beeld ter skepping is dat dit van nature aan kopieregonderhewig is. Die onus rus op ons, die bydraers, om die vryheid van 'n beeld te kan bewys, indien ons dit wil gebruik.

My uiteindelike punt was dan: sommige mense voel meer gemaklik wanneer hulle direk op hulle besprekingsbladsye gekontak word aangaande beelde wat hulle opgelaai het en voel gekonfronteerd wanneer hulle aksies op ander bladsye bevraagteken word (soos die vraag na 'n bron, ens.). Ander voel weer dat dit nie 'n persoonlike saak moet wees nie en verkies die direkte manier van bespreking op die relevante bladsy. Dit is natuurlik ook nuttig sodat ander bydraers en gebruikers (nou en in die toekoms) enige relevante gesprekke oor 'n beeld/artikel kan lees.

Indien jy verkies dat ek jou ook hier kontak rakende enige beelde/artikels waarmee ek probleme het, kan jy dit gerus hier meld. Ek sal dan in die toekoms so 'n bespreking beide hier en daar plaas. Ek sal jou in elk geval van nou af direk hier kontak indien ek glo dat jy miskien self oor sommige inligting besit (soos die bron, beskrywing van 'n beeld), tensy jy voel dat dit voldoende is om dit op die betrokke artikel/beeld se besprekingsbladsy te doen. Anrie 20:37, 8 Junie 2007 (UTC)

Ek het so pas 'n epos van die eienaar van die Mieliestronk gekry: die artikel waarin die beeld verskyn is in die vroeë dae van die Mieliestronk geskep, toe hulle self nog nie gelet het na die bronne en kopiereg van beelde nie, dus kan hy nie help nie. Ek is bevrees dat ek die "geen bron"- en "geen lisensie"-sjablone daar sal moet toevoeg. Anrie 12:57, 12 Junie 2007 (UTC)

Ek het pas die "geen bron"-sjabloon bygevoeg en sal die beeld verwyder na twee weke. Ek sal in die tussentyd loer of ek nie miskien 'n ander beeld kan vind nie. Anrie 11:24, 18 Junie 2007 (UTC)

Jou edits aan Alizée en Paramore

Hey, baie dankie vir al die klein wysigings wat jy aan hierdie artikels gemaak het. Soms sukkel ek so bietjie met die vertaling, haha ; ) ► Adriaan ( Spreek ★ Bydraes ) ♪♫ 13:36, 9 Junie 2007 (UTC)

Dankie, sal so maak :P ► Adriaan ( Spreek ★ Bydraes ) ♪♫ 13:45, 9 Junie 2007 (UTC)

Hennie Rossouw

Ek sien jy het die bogenoemde blad vir verwydering genomineer. Net ter inligting: die blad bly vir 'n periode van twee weke genomineer, as daar geen geldige besware in hierdie tyd is nie, kan enige persoon dit merk vir spoedige verwydering (rede: "suksesvolle verwyderingsnominasie" of iets dergeliks) of 'n admin sal dit regstreeks verwyder.

Ek versoek jou om asseblief wel in die wysigingsopsomming te noem as jy, byvoorbeeld, 'n verwyderingsjabloon byvoeg. Niks groots nie, net iets soos {{Bladsyverwydering}} of "Genomineer vir verwydering" of wat jy ook wil. Sodoende is dit ook vanaf die wysigingsgeskiedenis sigbaar hoe lank die blad reeds vir verwydering genomineer is. Anrie 18:07, 10 Junie 2007 (UTC)

Sao Paulo

Goeie wysigings aangebring! --RM 21:18, 11 Junie 2007 (UTC)

Beeld:Patricia en Morne.jpg

Haai, Morné...

Wil jy nie asseblief 'n bietjie Beeldinligting verskaf vir die bogenoemde beeld nie? Ek is juis nou besig om deur die Imagelist te gaan en al die beelde individueel na te gaan vir beeldinligting/bronne/kopieregetikette ens. Ek gaan dus moontlik nog 'n keer of twee met 'n ander beeld na jou toe terugkom, maar sal dan sommer 'n algemene opskrif soos "Beelde" of iets kies waaronder ek al die beelde kan byvoeg soos ek dit bereik. Dankie en groetnis, Anrie 15:34, 19 Junie 2007 (UTC)

Hi are you the one who took the picture of Patricia De Lille? I need to use it for the SiSwati wikipedia but i don't understand the licence Bobbyshabangu (kontak) 11:45, 11 Mei 2014 (UTC)

Beelde

Soos bo genoem, sal ek hier 'n beeld lys as ek voel dat hy ietsie kort:

• Beeld:Patricia de Lille.jpg - 'n Bietjie beeldinligting sal gaaf wees: dit is 'n baie interessante foto en dit sal lekker wees om te weet onder watse omstandighede dit geneem is en wat sy besig was om te bespreek - dus, die konteks van die beeld, asb. Aangesien jy die skepper van die beeld is, is jy die enigste persoon wat dit kan verskaf. Anrie 15:38, 19 Junie 2007 (UTC)
• Beeld:Cameron Dugmore.jpg. Soos bo, asb. Miskien kan jy ook (vir die ongeleerdes tussen ons) net ook kortweg noem wie die persone is? Bv. Cameron Dugmore, befaamde Springbokrugbyspeler besig om 'n lesing by die Hoërskool Sterrewag te gee in Junie 1995.
• Beeld:Inus Bester.jpg Soos bo, asb. Anrie 15:41, 19 Junie 2007 (UTC)

En so ook die volgende beelde, asb. Dit lyk nou na baie, maar dis maar die gerieflikste manier om by die beelde uit te kom, sonder dat jy dit self in die prentelys hoef te gaan soek.

• Beeld:Marius Fransman.jpg
• Beeld:Melindi Charle.jpg
• Beeld:Patty Duncan.jpg
• Beeld:Johanna Stoffels2.jpg
• Beeld:Theuns Botha.jpg Anrie 15:45, 19 Junie 2007 (UTC)

Haai Morné, kan jy asseblief bronne vir die volgende beelde verskaf? Indien nie kan jy dit maar laat, ek sal probeer om die beelde wat ek kan met vrye weergawes te vervang na die twee weke dan verstreke is. Anrie 07:24, 23 Junie 2007 (UTC)

• Beeld:Stryker-force.jpg
• Beeld:Jeff Stryker original.jpg
• Beeld:BJ Vorster.jpg (Ek neem aan dat jy hierdie by die en.wp gekry het? Ek sit hom egter maar net hier vir ingeval.)

Ek die bostaande beelde verwyder. Die beeld BJ Vorster is nou ook by die en.wp gemerk vir verwydering - miskien sal dit iemand aanpor om die korrekte bron en lisensiëring op te spoor. Anrie 06:53, 9 Julie 2007 (UTC)

So ook die bronne vir die volgende beelde, asb.

Donderdag, 5 Julie

• Beeld:Zarah Leander Nuut.jpg Anrie 15:05, 5 Julie 2007 (UTC)

Vervang met Beeld:Zarah_Leander.jpg. Anrie 07:34, 20 Julie 2007 (UTC)

Vrydag, 6 Julie

• Beeld:VZ Slabbert.jpg.

Verwyder (ek het ongelukkig nie self 'n vrye weergawe kon kry nie). Anrie 10:50, 23 Julie 2007 (UTC)

• Beeld:DF Malan.jpg - Anrie 13:12, 6 Julie 2007 (UTC)

Vervang met Image:Daniel_Malan.jpg. Anrie 11:00, 23 Julie 2007 (UTC)

• Beeld:JBM Hertzog.jpg

Vervang met Beeld:Hertzog_JBM.jpg Anrie 10:47, 23 Julie 2007 (UTC)

• Beeld:Colin Eglin.jpg

Verwyder (weereens nie 'n vrye weergawe kon opspoor nie). Anrie 10:52, 23 Julie 2007 (UTC)

Auckland Grammar School

Thankyou very very much Morne for your Excellent Quality ranslation help!

Your help is very Gratefully Appreciated.

May you be Blessed and may Afrikaans Wikipedia Prosper! --Per Angusta 00:43, 25 Junie 2007 (UTC)

Happy Holidays Morne

Haai!

Could you please help placing a short version the English-Wikipedia article found here (a party that is a full-fledged member of Die Sosialistiese Internasionaal) for the af wikipedia? That party worked closely together with figures such as Olof Palme (Former Prime Minister of Sweden) to contribute in the struggle against Apartheid.

I greatly appreciate your help with this!!! It would mean so much to me, and just one or two sentences would be enough to get the article going.

Happy Holidays, thanks so much!

AnnaLindPalme 15:31, 27 Desember 2007 (UTC)

Beeld:KWT.jpg

Haai, Morne/argief 1Dit is tans nie 100% duidelik wat die bron van die bogenoemde beeld is nie. Dit is nodig om die bron vir enige beeld te verskaf, ingevolge Wikipedia se beleid rakende verifieerbaarheid. Met "bron" word bedoel: waar jy self die beeld gekry het. Indien dit op die internet was, dan sal 'n URL ('n skakel) na die blad waarop die beeld verskyn voldoende wees. Indien dit uit 'n boek verkry is, word die boek se gegewens benodig. Indien jy self die outeur van die beeld is, meld dit asseblief duidelik. Moet asseblief nie huiwer om my te kontak indien jy enige vrae of probleme het nie.

Let wel: indien 'n geldige bron nie binne 2 weke van hierdie boodskap bygevoeg word nie, mag die beeld verwyder word. Die gegewens van die bron moet asseblief by die beeld self bygevoeg word en nie hier nie.

Anrie 13:14, 2 Januarie 2008 (UTC)

Welkom terug

Hi Morne, Goed om te sien jy is terug. Hoop jy gaan weer jou bydraes maak. Ons het meer goeie skrywers en vertalers nodig. Groete --hansjoseph (kontak) 08:13, 26 Julie 2008 (UTC)

Ek wil ook welkom sê: welkom terug, Morné! — Adriaan90 (Bespreking • Bydraes) 17:36, 7 September 2008 (UTC)

NG

whats (the) NG???

Where? It stands for Nederduitse Gereformeerde (Dutch Reformed). Morne (kontak) 09:07, 8 September 2008 (UTC)

Nollywood

Elke tweede wysiging gee 'n konflik. Ek waardeer al julle entoesiastiese hulp, maar gee asb. 'n paar minute vir my om die artikel te voltooi. Groete. Frank (kontak) 08:44, 14 September 2008 (UTC)

Good evening, please you could translate in Afrikaans the articles en:Martin Weinek and en:Kaspar Capparoni i? I thank you in advance!

Good evening to you and regards from Campora San Giovanni. I write you regarding the articles of a note police television series: Kommissar Rex (english Inspector Rex). For better saying some principal actors of the international series. Martin Weinek and Kaspar Capparoni. Weinek is the veteran of the Austrian series, now real member of the series international, as well as excellent agricultural and theatrical entrepreneur and an experienced wine-grower. Capparoni is the new entry of the series, but he has already worked and he works for international productions and with famous directors, I quote among everybody: Dario Argento. I think that the series will arrive within the winter 2008 thanks also to Rai International, that will be transmitted in 150 countries and in more than 80 languages, among which the Afrikaans one. Naturally if you will help me in this, me ricamberò really the favor translating a biography or a geographical article in Italian and Sicilian. In fact on the Italian edition they are biographer and geographer. In attends him of one certain answer of yours I thank you in advance and I greet you from Campora San Giovanni, my village native. Thanks still for the patience and the understanding.--Lodewijk Vadacchino (kontak) 19:59, 25 September 2008 (UTC)

Dankie

Vir die artikels wat jy skryf --41.19.206.195 07:45, 26 Mei 2009 (UTC)

Is this ok?

Hi Morne (en welkom terug!),

I was wondering if the following sentance was perfect Afrikaans: Die dorp is tussen die dorpe van Kaapmuiden en Komatipoort geleë.

Groete - Ben Bezuidenhout (kontak) 21:13, 4 November 2009 (UTC)

Hallo! Dis lekker om terug te wees . . .

It's good, just take ook the "van". Morne (kontak)

Dankie ^^ Ben Bezuidenhout (kontak) 21:24, 4 November 2009 (UTC)

Proeflesing

Dankie vir die onlangse taalverbeteringe wat jy aan artikels gemaak het (ook waaraan ek gewerk het). Ek waardeer dit baie! Jy sal sien ek het Randall Abrahams vandag oorgeskryf. As jy dalk een of ander tyd 'n verveelde vyf minute het, sal jy asb. net weer daarna kyk? — Adriaan (Bespreking • Bydraes) 21:13, 13 November 2009 (UTC)

Argivering

Kyk ook gerus na {{Argiefboks}} indien jy eendag voel jy wil jou besprekingsbladsy skoonmaak! — Adriaan (Bespreking • Bydraes) 21:15, 13 November 2009 (UTC)

Skryfwedstryd

Jy is ingeskryf vir die 2009 Wikipedia-skryfwedstryd Jy is aangemeld vir die 2009 Wikipedia-skryfwedstryd, met "Zambië" as gekose onderwerp. Jy mag tot 31 Desember aan die artikel werk by Zambië, of, as jy eers bietjie wil eksperimenteer, kan jy dit doen by Gebruiker:Morne/argief 1/Sandput. Die volledige reëls rakende die wedstryd kan by Wikipedia:Skryfwedstryd gelees word. Vrae oor die wedstryd self kan by Wikipediabespreking:Skryfwedstryd gestel word, terwyl meer algemene vrae oor Wikipedia by die Geselshoekie beantwoord sal word.

 — Adriaan (Bespreking • Bydraes) 06:36, 18 November 2009 (UTC)

Proeflees van artikels

Haai, Morné. Probeer asb. om nie artikels wat vir die skryfwedstryd ingeskryf is te proeflees nie. Ons oordeel slegs bydraes van die ingeskrewe bydraers en taal is een van die kriteria. Dit beteken dat spelfoute wat deur hulle gemaak word, maar deur jou gekorrigeer is steeds as spelfoute gesien sal word. Indien hulle egter hulle eie spelfoute gekorrigeer het, sou dit as gekorrigeer gesien gewees het. Anrie (kontak) 18:47, 26 Desember 2009 (UTC)

Goed. Ek sal wag tot ná die sluitingsdatum. Morne (kontak) 20:55, 26 Desember 2009 (UTC)

I have two qwessies:

1. Can he proof-read links related to articles in the writing contest? (for example Guildford/Graafskap for Surrey?)
2. When's the finishing date? The writing contest says 1 February, but on my talk page it says 1 Januarie?Ben Bezuidenhout (kontak) 21:33, 26 Desember 2009 (UTC)

Ek dink ek kan jou eerste vraag beantwoord: verwante artikels is uiteraard nie ingeskryf vir die wedstryd nie, dus is die antwoord ja. Morne (kontak) 21:37, 26 Desember 2009 (UTC)

En wat jou tweede vraag betref: soos ek dit verstaan, kan jy inskryf tot 31 Desember en werk aan jou inskrywing tot 1 Februarie. Morne (kontak) 21:48, 26 Desember 2009 (UTC)

Worcester-artikel

Hi, Morné. 'n Ander gebruiker het 'n bespreking begin oor die artikel Worcester. Dit betref inligting wat jy ingevoeg het. Maak asb. 'n draai daar wanneer jy 'n tydjie kry. Anrie (kontak) 19:45, 24 Januarie 2010 (UTC)

Skryfwedstryd-uitslag

Haai, Morné,

Jy het gekies om nie e-pos te ontvang van ander gebruikers nie, dus kontak ek jou op jou gebruikerbesprekingsblad. Baie geluk met die uitslag van die Wikipedia-skryfwedstryd. Jou artikel oor Zambië het die tweede plek behaal en jy kry dus R300 van die prysgeld. Stuur asb. jou bankbesonderhede (en naam van die rekeninghouer) aan af.wikipedia@gmail.com. Vermeld asb. indien dit nie 'n Suid-Afrikaanse bank is nie en voeg dan die SWIFT-nommer van die bank ook by.

Vriendelike groete, Anrie (kontak) 12:17, 19 Maart 2010 (UTC)

In aanbou

Ek het nou nog artikels na jou gebruikersnaamruimte geskuif. Skep hulle asb. in die toekoms self onder Gebruiker:Morne/Artikelnaam. Die hoofnaamruimte is nie 'n as 'n sandput bedoel nie. Anrie (kontak) 06:12, 19 April 2010 (UTC)

Jan Christian Smuts

Morne,

Jy het Jan Christian Smuts verskuif na Jan Christiaan Smuts. Ek gaan die skuif terugrol. In JC Smuts outobiografie wat in 1952 gepubliseer is, en wat deur sy seun, ook JC Smuts, geskryf is noem hy dit spesifiek op bl.6 dat Genl Smuts sy naam as Christian gespel het met een "a" na gelang van sy oupa se name wat Jan Christian de Vries geheet het. --Lewensywer (kontak) 20:12, 30 April 2010 (UTC)

Beeld:Mariena ontwikkeling.jpg

Haai, Morné. Ek neem aan dat jy die outeur van die bogenoemde beeld is. Wil jy dit nie asb. uitdruklik op die beeldbeskrywingsbladsy meld en ook 'n lisensie vir die beeld kies nie, asb.? Anrie (kontak) 08:34, 2 Mei 2010 (UTC)

Zambië

Baie geluk! Hierdie artikel is as voorbladartikel aangewys Zambië, 'n artikel waarby jy 'n groot bydrae gelewer het, is deur 'n gebruiker as 'n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self 'n artikel vir voorbladstatus by Wikipedia:Kandidaatartikels vir voorblad.

- Anrie (kontak) 16:17, 8 Junie 2010 (UTC)

Question

Hi ! I saw that you were a native speaker of afrikaans and I was looking for help. I've made a map about the Cyprus conflict (a svg version) and I'd like to do a version for this wiki. I have just one question. When there is a bay, for example Morphou Bay, what it the afrikaans version ? Morphou Baai ? or something else ? I don't know if "baai" is before or after the name. Here is the test on my own test page : here.

Thanks for your help Treehill (kontak) 23:01, 12 November 2010 (UTC)

Thank you ! I've uploaded the image and it is now here : Siprus. I'll do the same for the british bases and Northern Cyprus. Regards Treehill (kontak) 17:02, 13 November 2010 (UTC)