Schazi

Welkom

Hallo Schazi, hartlik welkom op die Afrikaanse Wikipedia! Message in English Bericht in het Nederlands Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie. Die Afrikaanse Wikipedia bestaan al sedert Desember 2001 en bevat reeds 119 997 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor 'n mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud. ___ Verifieerbaarheid Die eerste van Wikipedia se drie kernbeleide ___ Geselshoekie Die gewilde bymekaarkomplek ___ Geen oorspronklike navorsing Die tweede van Wikipedia se drie kernbeleide ___ Sandput Eksperimenteer na hartelus ___ Neutrale standpunt Die derde van Wikipedia se drie kernbeleide ___ Redigeringsinstruksies Hoe maak ek: teks wat skuinsgedruk is? ’n opskrif? tabelle? ___ Wat Wikipedia nie is nie Daar is ook ’n paar dinge wat ons nié hier doen nie ___ Beelde As jy beelde wil oplaai ___ Beleefdheid Ken jou maniere ___ Wenke vir die skryf van ’n goeie artikel Soms sê die naam alles Hierdie bladsy, wat nou op jou skerm vertoon word, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap gestuur is. Kliek dan laastens op "Publiseer wysigings" om enige bewerkings te stoor.

Oesjaar (kontak) 15:42, 12 Junie 2023 (UTC)

Nikkel-elektroplatering

Dankie vir die artikel met bronne. Die ander definisies wat jy so skep sonder enige bronne/verwysings is nie aanvaarbaar nie. Staak die proses asb nou, maak hulle reg of verwyder dit. Groete! Oesjaar (kontak) 12:03, 22 Junie 2023 (UTC)

Kyk en leer

Daar is 'n sekere manier waarop dinge hier gedoen word. Kyk asseblief hoe mense jou goed regmaak; hulle doen moeite om jou reg te help. Doen dan asb. die artikels so. ~ Burgert (kontak) 13:22, 27 Junie 2023 (UTC)

Moet asseblief nie "nowiki" oral indruk nie. Dit is juis wikibladsye dié. ~ Burgert (kontak) 13:34, 27 Junie 2023 (UTC)

Hallo Burgert,

Moet asseblief nie onwetendheid vir 'n moedswilligheid aansien nie.  Ek kyk en leer hoe dinge gedoen word, maar drie weke gelede was ek salig onbewus van of af.Wikipedia [bestaan]. Ek probeer regtig dinge reg doen, maar die metodologie is nog ietwat vreemd en ek gaan nou vir eers 'n tydjie laaglê totdat ek genoeg weet van hoe dinge werk. Terloops ek het in jou brief vir die eerste keer die woord 'nowiki'  gesien. Ek weet nie wat dit beteken nie en self het dit nog nooit "oral ingedruk" nie. Groete Schazi (kontak) 16:12, 27 Junie 2023 (UTC)

Jy is welkom om Dinsdae aande in te skakel op my aanlyn klas. Sien https://www.facebook.com/groups/231160206984566 Groete! Oesjaar (kontak) 16:23, 27 Junie 2023 (UTC)

Waar het jy uitgevind van die Afr. Wikipedia? Groete! Oesjaar (kontak) 16:54, 29 Junie 2023 (UTC)

Ek was al lank bewus van die Afr wiki, maar my nie juis daaraan gesteur nie, todat daar onlangs 'n koerant-artikel verskyn het wat my laat vermoed het dat ek dalk 'n bydrae kan lewer. Ek was nog altyd bekommerd oor die verdwyning van Afrikaanse tegniese terme en ek wil, onder andere, deur my betrokkenheid by Afr wiki probeer om dié kosbare erfenis te help bewaar. Schazi (kontak) 04:39, 30 Junie 2023 (UTC)

Ek het nou net weer die artikel gelees en is nou beter ingelig! Aangename kennis! Groete Schazi (kontak) 05:45, 30 Junie 2023 (UTC)

Die artikel was oor my ten doele om mense soos jy betrokke te kry! Waar op Aarde bly jy? Groete! Oesjaar (kontak) 05:38, 30 Junie 2023 (UTC)

Ek iis 'n oud-Pretorianer wat al 30 jaar in Potchefstroom bly. Groete! Schazi (kontak) 05:55, 30 Junie 2023 (UTC)

Gebruik van stof uit ander artikels

'n Bietje voorligting, asb: Ek wil graag 'n artikel oor die beginsels, meganisme, ens van metaalvermoeidheid skryf. Daar bestaan 'n wiki-artikel genaamd "Fatigue (material)". Hierdie artikel bevat egter 'n groot hoeveelheid stof oor die vermoeidheid van allerlei materiale, en ook byvoorbeeld  die voorkoms van belangrike vermoeidheid-falings oor die jare, die geskiedenis van die jarelange navorsing or vermoeidheid, edm, wat nie vir my doel nuttig is nie. Mag ek my artikel saamstel deur vertaalde bruikbare stof, wat spesifiek oor metale handel, uit "Fatigue (material)" te kombineer met dele wat ek self skryf? Schazi (kontak) 09:03, 29 Junie 2023 (UTC)

Jy mag enige iets skryf solank jy verstaanbare bronne gee! Is jy 'n metallurg, meganiese ingenieur of chemiese ingenieur? Groete! Oesjaar (kontak) 09:07, 29 Junie 2023 (UTC)

Dankie! Ek het donkiejare gelede afgetree na loopbane in die kernindustrie en by universiteite. My vakgebiede is Metallurgiese Ingenieurswese, Metaalkunde en Chemie. Groete Schazi (kontak) 09:31, 29 Junie 2023 (UTC)

Las

Hi Schazi,

Kan jy dalk hieroor Las (metaalkunde) meer skrywe? Ek is vastestofchemikus en weet baie min van hierdie goeters. Vertaal is goed, 'n eie verhaal beter. Dit maak mos hierdie webwerf interessanter om te besoek, veral vir Suid-Afrikaners en Namibiërs maar ook vir kaaskoppies soos ek Jcwf (kontak) 18:37, 10 Julie 2023 (UTC)

Ek sal graag 'n artikel skryf oor aanhegtingstegnieke vir metale, as dit is wat jy bedoel. Schazi (kontak) 10:13, 11 Julie 2023 (UTC)

Ons wag... Groete! Oesjaar (kontak) 13:05, 11 Julie 2023 (UTC)

My voet is al in die stiebeuel! Groete! Schazi (kontak) 15:24, 11 Julie 2023 (UTC)

Ousteniet

Ek stem saam dat dit na Austen genoem is en ek sou dit ook as Austeniet skryf. Maar julle minister van onderwys sien dit anders: sien. Jcwf (kontak) 09:56, 21 September 2023 (UTC)

Dankie, baie interessant! Groete! Oesjaar (kontak) 10:04, 21 September 2023 (UTC)

Die minister bepaal nie spellings nie. Dit word in woordeboeke austeniet gespel (WAT, Chemiewoordeboek, Departement van Kuns en Kultuur, Pharos). ~ Burgert (kontak) 13:37, 21 September 2023 (UTC)

~Maar die minister bepaal wel hoe dit op skool gedoen moet word, Dit skep dalk 'n probleem vir ons lesers as hulle skoolkinders is. Hulle sal dink dat ons dit fout doen. Jcwf (kontak) 14:34, 21 September 2023 (UTC)

Omdat Wikipedia nie op skoolkinders gerig nie, sal ek voorstel ons stuur ousteniet aan na austeniet en noem dat dit ook "ousteniet" gespel word. ~ Burgert (kontak) 14:48, 21 September 2023 (UTC)

Daar is verskeie metallurge wat vereer is deur metaalfases of mikrostrukture na hulle te  vernoem as gevolg van hul beduidende bydraes. 'n Paar voorbeelde is: Ledebur, Austen, Martens, Bain, Troost en Widmanstätten. Daar bestaan geen rede op grond waarvan enige van die name verander moet word in vertalings nie. Laat ons nie krap waar dit nie jeuk nie. Schazi (kontak) 10:24, 22 September 2023 (UTC)