Langvin-vlermuisvis

Die Langvin-vlermuisvis (Platax teira) is 'n vis wat voorkom in die Indiese-Pasifiese area, die Rooisee en aan die ooskus van Afrika van Oman tot by Knysna. In Engels staan die vis bekend as die Longfin batfish.

Langvin-vlermuisvis
'n Volwassene en twee onvolwassenes in Indonesiese waters
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Subkoninkryk:	Bilateria
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Acanthuroidei
Familie:	Ephippidae
Genus:	Platax
Spesie:	P. teira
Binomiale naam
Platax teira (Forsskål, 1775)

Voorkoms

'n Onvolwassene in die Praagse seewater-akwarium, Tsjeggië

Die vis se lyf is amper sirkelvormig, met die agterste helfte grys-bruin gekleurd en 'n dowwe vertikale streep wat oor die voorste helfte strek. Die voorste helfte van die kop is donkergrys en die agterste helfte wit. Daar is 'n donker kol onder op die pens en 'n dowwe donker streep oor die liggaam by die anale vin. Die bekkenvinne is geel of geelbruin. Onvolwassenes is silwergrys met 'n donker streep oor die agterliggaam wat bo-oor die dorsale en anale vinne strek. Daar is ook 'n swart streep oor die voorkant van hul lyf en 'n nou swart streep oor hul oë. Die vis word tot 65 cm lank.

Habitat

Die vis leef in riwwe en wrakke tot op dieptes van 70 m. Hulle kan alleen swem of in groot groep voorkom. Hulle vreet soöplankton, alge en bodem-skaaldiere. Die onvolwasse visse leef naby die kus in beskermde riwwe.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Platax-teira.html