Moggel
Die moggel (Labeo umbratus) is 'n varswatervis wat voorkom in die Oranje-, Vaal-, Gourits-, Gamtoos-, Sondags-, Groot-Vis- en Boesmansrivier-stelsels. In Engels staan die vis ook bekend as die Moggel.
| Moggel | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | (Cuvier, 1817)
|
| Spesie: | L. umbratus
|
| Binomiale naam | |
| Labeo umbratus (A. Smith, 1841)
| |
Voorkoms
wysigDie vis het 'n ronde, vlesige kop met 'n klein mond waaraan twee pare baard vas is. Die vis is grys met 'n pienk en roomkleurige skakering en is wit aan die onderkant. Die vis word tot 500 mm lank en die Suid-Afrikaanse hengelrekord is 2,853 kg.
Habitat
wysigDie vis leef in stilstaande of stadigvloeiende water en floreer in vlak water en plaasdamme. Hulle vreet onder andere detritus en broei in die somer.
Broeiwyse
wysigDie wyfies migreer stroomop na geskikte broeiplekke by grasbanke in riviere of in vlak, rotsagtige dele van die rivier. Hier lê sy 250 000 eiers wat sowat veertig uur later uitbroei. Die larwes swem herhaaldelik na die oppervlak en word deur die stroom na dieper water gedra. Die jong vissies groei vinnig en is na een jaar reeds 100 mm lank. Na 2 - 3 jaar bereik die mannetjies volwassenheid en is sowat 150 mm lank; die wyfies bereik volwassenheid wanneer hulle sowat 250 mm lank is. Die spesie kan 5 - 6 jaar oud word.
Sien ook
wysigBron
wysig- Skelton, Paul: A Complete Guide to the FRESHWATER FISHES of Southern Africa.. 2001. ISBN 978-1-86872-643-1