Seaborgium

Hoofartikel: Isotope van seaborgium
iso	NV	halfleeftyd	VM	VE (MeV)	VP
²⁷¹Sg	sin	2 min.	67% α	8,54	²⁶⁷Rf
²⁷¹Sg	sin	2 min.	33% SS	-	^--
²⁶⁹Sg	sin	3 min.	α	8,50(6)	²⁶⁵Rf
²⁶⁷Sg	sin	1,4 min	17% α	8,20	²⁶³Rf
²⁶⁷Sg	sin	1,4 min	83% SF	-	^--
^265mSg	sin	16,2 s	α	8,70	²⁶¹Rf
²⁶⁵Sg	sin	8,9 s	α	8,90; 8,84; 8,76	²⁶¹Rf

Portaal

Chemie

Seaborgium is ’n superswaar, kunsmatige element met die atoomgetal 106 en simbool Sg. Dit kom nie in die natuur voor nie, kan net in ’n laboratorium vervaardig word en is radioaktief. Die stabielste bekende isotoop, seaborgium-269, het ’n halfleeftyd van ongeveer 3,1 minute. Dit is genoem na die Amerikaanse kernchemikus Glenn T. Seaborg en is een van net twee elemente wat genoem is na ’n persoon wat toe nog geleef het; die ander een is oganesson.

Op die periodieke tabel lê dit in die d-blok, in periode 7 en in groep 6 as die vierde lid van die 6d-reeks oorgangsmetale. Chemiese eksperimente het bevestig dit tree op soos die swaarder homoloog van wolfram net bo dit. Sy eienskappe is net gedeeltelik vasgestel, maar dit stem baie ooreen met dié van ander elemente in groep 6, chroom, molibdeen en wolfram.

In 1974 is ’n paar seaborgium-atome in laboratoriums in Amerika en die Sowjetunie vervaardig. Daar was onenigheid tussen wetenskaplikes van dié twee lande oor die prioriteit van ontdekking en die benaming van die element, en die IUPAC het dus eers in 1997 bepaal die element se amptelike naam is seaborgium.

Verwysings

↑ ^1,0 ^1,1 Hoffman, Darleane C.; Lee, Diana M.; Pershina, Valeria (2006). "Transactinides and the future elements". In Morss; Edelstein, Norman M.; Fuger, Jean (reds.). The Chemistry of the Actinide and Transactinide Elements (3de uitg.). Dordrecht, Nederland: Springer Science+Business Media. ISBN 1-4020-3555-1.
↑ ^2,0 ^2,1 Fricke, Burkhard (1975). "Superheavy elements: a prediction of their chemical and physical properties". Recent Impact of Physics on Inorganic Chemistry. 21: 89–144. doi:10.1007/BFb0116498. Besoek op 4 Oktober 2013.
↑ Östlin, A.; Vitos, L. (2011). "First-principles calculation of the structural stability of 6d transition metals". Physical Review B. 84 (11). Bibcode:2011PhRvB..84k3104O. doi:10.1103/PhysRevB.84.113104.

Eksterne skakels

Chemistry in its element podcast (MP3) van die Royal Society of Chemistry se Chemistry World: Seaborgium
Seaborgium by The Periodic Table of Videos (Universiteit van Nottingham)
WebElements.com – seaborgium