Swartstert-sandspiering
Die Swartstert-sandspiering (Parapercis hexophtalma) is 'n vis wat in die Indiese-Pasifiese area, die Rooisee en aan die ooskus van Afrika vanaf Oman tot by Algoabaai voorkom. In Engels staan die vis bekend as die Blacktail sandperch.
| Swartstert-sandspiering | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | P. hexophtalma
|
| Binomiale naam | |
| Parapercis hexophtalma (Cuvier, 1829)
| |
Identifikasie
wysigDie vis is wit aan die onder- en bokant. Daar is 'n vierkantige swart vlek in die middel van die stertvin en 'n klein swart kol op die voorste gedeelte van die dorsale vin. Die wyfie het klein swart kolletjies op die kop rugkant terwyl die mannetjie verskeie bruin kolletjies en strepies op die rug het. Die vis word tot 28 cm groot. Daar is ook 'n ry ligter vlekke vanaf die pektorale vin tot by die stertvin met 'n donker kol binne in die vlek. Net bo die anale vin is daar 'n ry swart kolletjies met geel rante om en daar is bruinerige lyne op die kop.
Habitat
wysigDie vis leef in vlak water bo sand en rots naby koraal- en rotsriwwe. Hulle vreet krappe, garnale, gastropodes en vis. Die vissies word almal as wyfies gebore, maar sommige verander van geslag sodra hulle 20 cm lank word. Elke mannetjie het 2 - 3 wyfies in sy harem. Hulle is die besigste gedurende sonsondergang.
Sien ook
wysigBron
wysig- Coastal Fishes of Southern Africa. Phil & Elaine Heemstra. 2004. ISBN 1-920033-01-7
