Bloed-snapper

Die Bloed-snapper (Lutjanus sanguineus) is 'n vis wat voorkom in die westelike Indiese Oseaan, die Rooisee en aan die ooskus van Afrika vanaf die Persiese Golf tot by Algoabaai. In Engels staan die vis bekend as Blood snapper.

Bloed-snapper
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Percoidei
Familie:	Lutjanidae
Genus:	Lutjanus (Bloch, 1790)
Spesie:	L. sanguineus
Binomiale naam
Lutjanus sanguineus (Cuvier, 1828)
Sinonieme
Diacope erythrina (Rüppell, 1838)

Voorkoms

Die volwasse vis het 'n prominente knop aan die voorkop en horisontale groewe agter die oë. Die vis is skarlaken van kleur en silwer aan die onderkant, die vinne is rooi tot pienk en die dak van die bek en lippe is geel. Die onvolwasse visse het 'n bruin streep oor die voorkop van die voorkant van die dorsale vin tot by die bokaak; daar is 'n swart kol aan die bokant van die stertvin se basis en die pensvin is dof swart. Die vis word tot 90 cm lank en weeg tot 22 kg.

Habitat

Die vis leef in rots en koraalriwwe in water van 10–100 m. Hulle vreet visse van die riwwe, krappe, mondpotiges, inkvis en soöplankton. Die visse is nagdiere en word min bedags gesien en paar in tropiese water.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• Lutjanus sanguineus by Fishbase.